Video
Read full review
2022-05-17
113 views
朋友介紹元朗有間海南雞飯店好有心，今日去開元朗玩，一於試吓先。舖頭細細間，係個人最喜歡嘅家庭式經營小店，用膳期間，老闆仲會同客人傾計，聽取客人意見，呢d人情味絕對係連鎖店做唔到嘅。💕食物質素……朋友真係無介紹錯👍👍 🐓無骨口水雞飯 $58一定要讚吓個口水醬汁先，因為真係其他地方食唔到。 呢個醬汁唔係只得辣味，或麻辣味，係重蒜味，勁香; 仲有微微嘅酸味，食落特別開胃。可能有人會覺得好似唔夠正宗，但我個人就好鍾意呢個自家秘製嘅口味。口水醬汁夠特別之外，此終這裡出名係海南雞，所以一定要講吓呢個雞肉，入口肉質細嫩，有嚼頭，最特別係雞皮唔厚之餘，皮下只有一丁點嘅脂肪，雞皮口感嫩滑。後來聽老闆講，佢呢度嘅雞係用粟米做飼料養大嘅，而且比坊間買到嘅雞用更長嘅時間去養大，所以雞身都係較大隻，而雞味亦會更濃。 🐂皇牌咖哩牛腩飯 $55好搞笑，第一啖咬落口，奇怪點解完全唔似食緊牛腩嘅呢？後來經老闆解釋完先知，原來呢個真係唔剩只用牛腩做嘅，除左牛坑腩之外，仲有係用左肉味更濃郁嘅牛肋條去做，唔怪之得，肉味濃而有嚼勁。主角牛夠出色之外，配菜薯仔我覺得有d喧賓奪主添😅，可能因為個人偏愛食薯仔嘅關係啦，薯仔經過輕炸，
舖頭細細間，係個人最喜歡嘅家庭式經營小店，用膳期間，老闆仲會同客人傾計，聽取客人意見，呢d人情味絕對係連鎖店做唔到嘅。💕
食物質素……朋友真係無介紹錯👍👍
🐓無骨口水雞飯 $58
一定要讚吓個口水醬汁先，因為真係其他地方食唔到。 呢個醬汁唔係只得辣味，或麻辣味，係重蒜味，勁香; 仲有微微嘅酸味，食落特別開胃。可能有人會覺得好似唔夠正宗，但我個人就好鍾意呢個自家秘製嘅口味。
口水醬汁夠特別之外，此終這裡出名係海南雞，所以一定要講吓呢個雞肉，入口肉質細嫩，有嚼頭，最特別係雞皮唔厚之餘，皮下只有一丁點嘅脂肪，雞皮口感嫩滑。後來聽老闆講，佢呢度嘅雞係用粟米做飼料養大嘅，而且比坊間買到嘅雞用更長嘅時間去養大，所以雞身都係較大隻，而雞味亦會更濃。
🐂皇牌咖哩牛腩飯 $55
好搞笑，第一啖咬落口，奇怪點解完全唔似食緊牛腩嘅呢？後來經老闆解釋完先知，原來呢個真係唔剩只用牛腩做嘅，除左牛坑腩之外，仲有係用左肉味更濃郁嘅牛肋條去做，唔怪之得，肉味濃而有嚼勁。主角牛夠出色之外，配菜薯仔我覺得有d喧賓奪主添😅，可能因為個人偏愛食薯仔嘅關係啦，薯仔經過輕炸，外脆內軟，而且係後加上咖哩牛腩之上，因此依然保留到外表金黃微脆嘅口感。
🥥椰汁紅豆冰 $12 (跟飯餐+$)
嘩! 正!👍👍唔係奶水紅豆冰可比，椰汁唔甜又解喝，配埋算得上係大粒，煮得又軟綿綿嘅紅豆，真係經典嘅味道。
◻瓣醬豆腐 $30
如果鍾意食臭豆腐，呢個一定要點😋口感根本同食臭豆腐一樣，外皮炸漿口感極香脆，但內裡嘅豆腐又卻非常嫩滑，只係比豆腐花略略稍為挺身、硬身。唔鍾意食臭豆腐嘅更加要點呢個，因為真係完全唔臭🤣，可以食到果種口感，但唔洗捱臭豆腐果種發酵後嘅臭味。
🥣紫菜肉碎湯 $0
除非無晒，如果唔係，凡點飯的都必然會送上一碗。雖然只係例湯一碗，但功夫絕不馬虎，亦善用了食材，因為湯底無添加味精，係用雞殼熬製而成。
要多謝朋友，佢真係無介紹錯，食到食物嘅好味道，更嚐到小店嘅人情味，老闆非常健談，食一餐飯令我嘅烹調知識大增，更令我對食材嘅認知增多不少。(如果唔係，點會寫到咁詳盡嘅食評😅)
無骨口水雞飯
$58
7 views
0 likes
0 comments
皇牌咖哩牛腩飯
$55
6 views
0 likes
0 comments
椰汁紅豆冰
6 views
0 likes
0 comments
紫菜肉碎湯
6 views
0 likes
0 comments
瓣醬豆腐
$30
7 views
0 likes
0 comments
Post
