Video
Read full review
2024-06-24
23 views
有朋友中意試唔同菜式，今晚佢就帶我去呢間素食小店，話多人推介必試。入到店內，店員都好友善好客，環境寬敞企理。京都片皮鴨 $128片皮鴨共5片，係由麵筋製成，調味岩岩好，另有青瓜、黃椒同青椒作伴菜，同薄皮包住一齊食口感豐富，點埋海鮮醬更加錦上添花。香芒夭婦羅炸豆腐$88呢個好好食好難忘，炸的火喉同時間都掌握得好好，豆腐超級嫩滑，外皮又炸得夠酥脆，同酸酸甜甜芒果好夾，用心製作，高質菜式。素食三文魚拼盤$68另外提供左乾冰，食前倒入去就會有煙，打卡一流，好有仙氣好靚，鮑片同三文魚係蒟蒻整成，花紋同顏色都好像真，口感彈牙似啫喱，點埋wasabi 味道好新奇。天婦羅綜合蔬菜球配特製醬汁$38天婦羅即叫即製，熱辣辣，有紅蘿蔔蕃薯等，配上特製芝麻醬，完全唔會油膩。意大利香草忌廉天使麵（奶）$118忌廉醬汁白濃幼滑，天使麵軟硬適中，條條掛汁，素吉列豬扒好驚喜，同真有9成相似，炸得夠香脆。牛油果雜菜沙律$98雜菜同牛油果份量都好多，真材實料，配上意大利香醋，酸味味夠開胃，作為前菜夠哂清新。甜梅菜肉餅飯$98呢味像真度勁高，完全唔似素食，咬落同真肉餅冇咩分別，白飯粒粒分明，肉餅微甜，2樣一齊食好夾。忌廉蘑
京都片皮鴨 $128
片皮鴨共5片，係由麵筋製成，調味岩岩好，另有青瓜、黃椒同青椒作伴菜，同薄皮包住一齊食口感豐富，點埋海鮮醬更加錦上添花。
香芒夭婦羅炸豆腐$88
呢個好好食好難忘，炸的火喉同時間都掌握得好好，豆腐超級嫩滑，外皮又炸得夠酥脆，同酸酸甜甜芒果好夾，用心製作，高質菜式。
素食三文魚拼盤$68
另外提供左乾冰，食前倒入去就會有煙，打卡一流，好有仙氣好靚，鮑片同三文魚係蒟蒻整成，花紋同顏色都好像真，口感彈牙似啫喱，點埋wasabi 味道好新奇。
天婦羅綜合蔬菜球配特製醬汁$38
天婦羅即叫即製，熱辣辣，有紅蘿蔔蕃薯等，配上特製芝麻醬，完全唔會油膩。
意大利香草忌廉天使麵（奶）$118
忌廉醬汁白濃幼滑，天使麵軟硬適中，條條掛汁，素吉列豬扒好驚喜，同真有9成相似，炸得夠香脆。
牛油果雜菜沙律$98
雜菜同牛油果份量都好多，真材實料，配上意大利香醋，酸味味夠開胃，作為前菜夠哂清新。
甜梅菜肉餅飯$98
呢味像真度勁高，完全唔似素食，咬落同真肉餅冇咩分別，白飯粒粒分明，肉餅微甜，2樣一齊食好夾。
忌廉蘑菇濃湯佐菠菜$98
菠菜好鮮嫩，完全冇渣，同西式忌廉湯出奇地夾，creamy得黎又夠清新，健康滿分。
青梅子氣泡特飲$38
手沖咖啡（限定）$60
值得一提係手沖咖啡，老闆專登出黎講解有三款唔同味道的咖啡豆，可以俾客人根據個人口味同喜好揀，好細心。
📌慈素小聚
地址：尖沙咀麼地道30號Mody House 8樓
評語
位置方便
老闆用心製作
店員友善好客
🐵推介🍌🍌🍌🍌🍌（5🍌為滿分）
#foodie #美食 #外食 #知己相聚 #foodielife
#hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #hongkong
#尖沙咀 #慈素小聚 #新派素食 #素食三文魚 #片皮鴨 #炸豆腐 #天婦羅 #梅菜肉餅 #咖啡 #麼地道
Post
