花街道酒処

Open Now

Now Closed

放工去完銅鑼灣Sogo買Nespresso咖啡後係附近食埋晚餐，今晚選擇左渣甸坊巷中嘅一間居酒屋。呢條街好靜，無咩人流，但見餐廳製作用心，食物質素又幾唔錯，所以寫篇文支持下。免治雞肉棒口感軟糯，味鮮，加埋蛋香及醬油嘅香甜，味道豐富；紫蘇豚肉卷屬自家製豚肉卷，豚肉味濃，具豐富肉汁，內裡包著日式紫蘇葉，帶微微清香；雞翼一夜干嘅雞皮燒得十分香脆，但雞肉仍保持嫩滑多汁；豆腐屬硬豆腐，燒完唔會一夾就散，加上日式甜麵豉醬及蔥花，都幾惹味。在處理馬友而言，日式一夜干比中式/潮州凍魚更為香口惹味，醃漬後令魚肉富有咸香，而馬友魚嘅油脂豐富，更為美味。魚皮香脆，魚肉鮮嫩，連皮都可以食埋。炸完都仲係淺黃色，應該都係新油，炸粉夠薄脆，中層夾左一塊日式紫蘇葉，而魚肉亦夠幼嫩，味道鮮甜，帶紫蘇葉嘅清香，兩者幾搭配。鱈魚干脆到好似餅干咁，配沙律醬，簡單美味。蜆肉肥美鮮甜，帶微清酒香，酒味唔會太濃。半熟嘅厚切牛舌芯肉質細膩，口感爽滑，牛味濃郁，且十分Juicy多汁，配炸蒜片、蔥及酸汁，味道層次豐富，非常好食。