鱻匠

Open Now

Now Closed

鱻匠《筲箕灣筲箕灣東大街54-60號東強大廈地下7號舖》有時唔知食咩好，openrice又太多選擇，揀新餐廳就啱，起碼唔使選擇咁困難，筲箕灣新既日本小店，地點非常之方便地鐵站B2出口，一出之後向後行30步左右就到，喺士多仔隔離。餐廳裝修非常乾淨，一入到去長條型嘅設計，水泥設計，日式木枱，職員（maybe老闆）非常有禮貌，燦爛嘅笑容，俾我哋自己揀位坐，QR code落單，有好多好細心嘅位，見佢個木杯同厠紙盒都印咗自己logo，可見用心。壽司，平價到中價都有，丼飯都幾抵食，仲有剌身炸物手卷同甜品。我地散叫咗嘅壽司擺盤精美，吞拿魚拖羅三文魚軍艦，襯返顏色咁擺，精心的擺盤和裝飾，未食都已經可以有視覺上的享受。食物質素不錯，拖羅未至於入口即溶，但價錢吸引，好抵食。另外同職員（ maybe老闆）傾開，小店堅持使用每日新鮮的食材，每日都會有來貨，確保食材的新鮮度和品質。另外每期都會有唔同新鮮時令魚嘅配搭，創意新菜式，包保唔會嫌。除咗壽司刺身，另外叫炸蝦同炸墨魚咀，外脆內熱，新鮮炸起，香脆無比。仲有埋甜品，滿足嘅一餐。平日一至五仲有lunch set 或者下午茶，$50、$60已經有交易，不錯嘅選擇。