Video
Read full review
2019-11-12
221 views
最近見好多人推介依間咖啡雪糕店，今日終於同朋友黎試一試，舖頭位於西貢食街入面，都幾易搵，舖頭細細但都有大約10個位可以俾人堂食。由於假日人流比較多，舖頭都坐滿晒人，所以我地都係外賣雪糕試下！雪糕手工製，會按時令既食材轉款，所以經常可以食到唔同口味既雪糕。而且雪糕味道都幾特別，唔係一般雪糕店會食到既味！日本靜岡煎米茶 $48食落有啲似綠茶雪糕味，但又多左啲米香味，幾特別！每球雪糕仲配有一塊法蘭酥！但雪糕可能人手手工製，無加穩定劑，所以溶既速度都幾快，要盡快食！薰衣草椴樹雪蜜 $50大家平時對薰衣草既印象應該都係紫色，但依度既薰衣草係好似雲呢嗱既顏色，因為店舖用左天然既食材。一食落去就有淡淡既薰衣草味，好清香，雖然有用雪蜜但唔會太甜，唯一有小小扣分係依杯法蘭酥焗得有啲濃。雖然價錢有小小貴，但啲味道唔係普通出面食到，所以都值得一試，支持小店！
雪糕手工製，會按時令既食材轉款，所以經常可以食到唔同口味既雪糕。而且雪糕味道都幾特別，唔係一般雪糕店會食到既味！
日本靜岡煎米茶 $48
食落有啲似綠茶雪糕味，但又多左啲米香味，幾特別！每球雪糕仲配有一塊法蘭酥！但雪糕可能人手手工製，無加穩定劑，所以溶既速度都幾快，要盡快食！
薰衣草椴樹雪蜜 $50
大家平時對薰衣草既印象應該都係紫色，但依度既薰衣草係好似雲呢嗱既顏色，因為店舖用左天然既食材。一食落去就有淡淡既薰衣草味，好清香，雖然有用雪蜜但唔會太甜，唯一有小小扣分係依杯法蘭酥焗得有啲濃。
雖然價錢有小小貴，但啲味道唔係普通出面食到，所以都值得一試，支持小店！
Post
