Video
Read full review
2023-12-31
7 views
幾個月前同朋友係北角「重房」食過omakase dinner, 得知北角店已搬遷到銅鑼灣, 就book定檯出糧日同好姊妹再試試水準! 果然食物質素冇令我地失望之餘仲有驚喜! 而且環境比起舊舖闊落得多, 一排式吧檯無遮擋下欣賞師傅處理食物過程。正好今晚第一晚轉dinner menu, 全晚每位HK$1580,包括了前菜、刺身7款、壽司5款、酒肴、和食、甜品前菜有清新無花果芝麻醬+爽脆酸尾尾, 開胃嘅水云蟹肉北海道帆立貝上灑上豉油粉, 肥美爽滑, 細味有少少鹹, 鮮甜味十足火灸黑鯥, 加咗黑松露豉油, 配上芽蔥同埋楊梅漬黑鯥油香味濃郁突出, 魚質細緻嫩滑, 調味嘅黑松露味重, 而梅甜酸能平衡口中重口味。日本東北生蠔配自家醋jelly、柚子皮: 生蠔肥美清新, 甘香鮮味爽甜 銀鱈魚BB配酸麵豉、薑花: 魚質超幼滑, 甜甜地, 再細味食到微酸鰤魚煙燻過, 再用備長碳辣過, 灑上五色芝麻: 炭香味重, 有魚鮮香, 最後食埋龍珠果, 酸味醒胃。香霜蟹熱辣辣, 加咗醋蜆汁、銀箔、三文魚籽:醋蜆汁更令蟹鮮味更加突出, 蟹膏粒粒超豐富。 脆餅撻上放上慢煮鮟鱇魚肝, 以福崗士多啤梨粒點驟, 灑上沖繩鹽,
果然食物質素冇令我地失望之餘仲有驚喜! 而且環境比起舊舖闊落得多, 一排式吧檯無遮擋下欣賞師傅處理食物過程。
正好今晚第一晚轉dinner menu, 全晚每位HK$1580,包括了前菜、刺身7款、壽司5款、酒肴、和食、甜品
前菜有清新無花果芝麻醬+爽脆酸尾尾, 開胃嘅水云蟹肉
北海道帆立貝上灑上豉油粉, 肥美爽滑, 細味有少少鹹, 鮮甜味十足
火灸黑鯥, 加咗黑松露豉油, 配上芽蔥同埋楊梅漬黑鯥油香味濃郁突出, 魚質細緻嫩滑, 調味嘅黑松露味重, 而梅甜酸能平衡口中重口味。
日本東北生蠔配自家醋jelly、柚子皮: 生蠔肥美清新, 甘香鮮味爽甜
銀鱈魚BB配酸麵豉、薑花: 魚質超幼滑, 甜甜地, 再細味食到微酸
鰤魚煙燻過, 再用備長碳辣過, 灑上五色芝麻: 炭香味重, 有魚鮮香, 最後食埋龍珠果, 酸味醒胃。
香霜蟹熱辣辣, 加咗醋蜆汁、銀箔、三文魚籽:醋蜆汁更令蟹鮮味更加突出, 蟹膏粒粒超豐富。
脆餅撻上放上慢煮鮟鱇魚肝, 以福崗士多啤梨粒點驟, 灑上沖繩鹽, 撻底鬆化, 跟creamy鹹甜鮟鱇魚肝做到強烈對比, 超正!
磯煮鮑魚經高湯慢煮後彈滑爽甜, 點少少鮑魚肝醬, 甘香更濃郁。
表面有如jelly般外層嘅寒天包住南瓜湯, 一咬爆汁, 暖暖的; 伴有金鯛立鱗燒, 魚鱗香脆有層次, 魚質嫩滑有魚鮮味。
到了壽司環節:赤貝加上岩鹽、柚子皮、檸汁, 清新爽脆, 鮮香味濃
脆海苔夾住了吞拿魚漬、紫蘇葉、吞拿魚, 油脂香十足
北海道昆布包住了壽司飯, 放上甜蝦、蝦膏, 口感creamy, 甘香味濃。
沙甸魚細緻滑身, 有魚鮮香, 有薑同蔥爽脆層次
北海道馬糞海膽放上海苔、少少蝦油同埋醋飯之上, 海膽鮮味回甘, 入口即溶。
魚湯烏冬: 胡椒味極重, 香辣暖胃, 烏冬滑身。
Tiramisu千層蛋糕: 淡淡冧酒香, 蛋糕做到豐富層次。
Post
