80 后 (Closed)

都開左一段時間(一個月倒啦)，終於有時間落去食！門面裝修好有味道，加上餐廳名係"80后"，所以一開始真係諗住係年輕人開既。誰不知係一對好有heart好nice既夫婦開既，聽聞老闆娘仲係泰國人黎既添！sa wa di cup！8月6號晚，男友遲收工9點20分先返到去！但我恨食左好耐喇喎。。。。老闆好好人咁都俾我地入去，佢開面係寫閂9點既，但就話有客都會照做。之後都有兩檯客入，老闆都照serve！👍今晚有好多碟都唔記得影相，係事後甜品時間先醒起😝正餐唔錯！！生菜包看似份量少但都夠食喎！佢本身辣辣地，岩晒好辣既我✌我個扎肉金邊粉，我幾like！面頭都有好幾條通菜，唔吝嗇既！我落左d魚露，仲有辣粉，好麻！岩晒我！但就算落咁多調味，個湯底隱約都仲食得出唔係味精既！！very good！男友個雞飯好似連湯連餐飲！抵！佢話個雞飯都好味😋😋😋😋男友最欣賞呢個：南瓜布丁！確係特別！老闆們自創的，話層皮都食得！布丁夠滑，整體配搭好正。唔太甜！最重要佢都只係承惠40蚊！抵啦！原個南瓜喎！我就鐘意呢個清清地既椰青糕！！好飽好滿足既一餐啊！會再黎！