Video
Read full review
2018-02-13
39 views
喺附近做野行到攰攰地，就諗住搵間餐廳坐下，順便食晏啦。喺餐廳門口嘅玻璃見到佢貼咗好多食物嘅相，賣相好吸引，而且價錢都好抵，所以唔點諗就坐低左黎食嘢啦。行到咁攰好口渴，就睇吓有咩飲番杯，估唔到佢嘅飲品咁平！汽水同埋一啲自製嘅招牌飲品都係5蚊6蚊，超級抵。因為冬天，都唔點飲凍野，就叫左杯熱羅漢果茶。杯羅漢果茶好黑，雖然只係＄5 ,但佢嘅味道好濃，唔會淡晒，飲落有好濃郁嘅羅漢果味，好潤。跟住職員就介紹咗佢哋既招牌嘅秘制臘味雞油焗飯，佢話個飯用咗十幾種香料同埋泰國米製造而成，而啲臘鴨相比起其他既係林啲，而且剛剛煲起，推介我要試。既然係甘，我就本着一試無妨嘅心態叫咗一碗啦！果然無介紹錯！超好食！佢嚟到嘅時候真係好香，好有食煲仔飯嘅感覺。送方面，佢有雞、臘腸、潤腸同臘鴨。臘鴨真係好似佢咁講係林啲，好入味。雞肉醃過，肉質好嫩滑。一定要講下佢個飯，精華所在！臘味既香同肉味落晒啲飯度。個飯好好食，即使無送都食得晒一碗！我仲叫咗個滷水蘿蔔牛坑腩一如其他食物，佢嘅牛腩同蘿蔔都好入味，有啲筋痴住，有咬口！佢炆到好林，但係啲肉又唔會爛晒。蘿蔔都一樣，好入味，唔會爛晒，可以一嚿嚿咁樣食到。呢個鹵水牛坑腩都超正！餐
行到咁攰好口渴，就睇吓有咩飲番杯，估唔到佢嘅飲品咁平！汽水同埋一啲自製嘅招牌飲品都係5蚊6蚊，超級抵。因為冬天，都唔點飲凍野，就叫左杯熱羅漢果茶。杯羅漢果茶好黑，雖然只係＄5 ,但佢嘅味道好濃，唔會淡晒，飲落有好濃郁嘅羅漢果味，好潤。
自家制羅漢果茶
$5
5 views
0 likes
0 comments
跟住職員就介紹咗佢哋既招牌嘅秘制臘味雞油焗飯，佢話個飯用咗十幾種香料同埋泰國米製造而成，而啲臘鴨相比起其他既係林啲，而且剛剛煲起，推介我要試。
臘味雞油焗飯
$41
8 views
0 likes
0 comments
既然係甘，我就本着一試無妨嘅心態叫咗一碗啦！果然無介紹錯！超好食！佢嚟到嘅時候真係好香，好有食煲仔飯嘅感覺。送方面，佢有雞、臘腸、潤腸同臘鴨。臘鴨真係好似佢咁講係林啲，好入味。雞肉醃過，肉質好嫩滑。
一定要講下佢個飯，精華所在！臘味既香同肉味落晒啲飯度。個飯好好食，即使無送都食得晒一碗！
我仲叫咗個滷水蘿蔔牛坑腩
一如其他食物，佢嘅牛腩同蘿蔔都好入味，有啲筋痴住，有咬口！佢炆到好林，但係啲肉又唔會爛晒。蘿蔔都一樣，好入味，唔會爛晒，可以一嚿嚿咁樣食到。呢個鹵水牛坑腩都超正！
鹵水蘿蔔牛坑腩
$23
16 views
0 likes
0 comments
餐廳應該主要做街坊生意，記得晒啲熟客，有傾有講。服務都唔錯！
最緊要價錢平，但食物質素高，用心製作，唔會馬虎，值得推薦大家黎！
Post
