Video
Read full review
2022-05-26
47 views
今晚呢間位於西營盤嘅椰子樹，一嚟到就聽得出老闆同老闆娘係地道泰國人，老闆娘十分親切，餐廳似係一家人經營，用心製作高質泰菜，價格卻十分親民！不得不先介紹呢度嘅芒果糯米飯($58), 芒果香甜多汁，糯米飯軟綿綿，最吸引我嘅係糯米飯上蓋上一層厚厚椰漿，賣相加分之餘，椰漿係經過調味唔會死甜，加上綠豆脆脆，每一啖都係享受！係我食過最正嘅芒果糯米飯之一！串燒沙爹牛/雞/豬6串 $88今次揀咗牛雞各一半，串燒帶點香烤味，但又唔會燶，牛肉夠腍，肉味香濃，雞肉好入味，唔會烤得太乾，配上地道沙爹醬，簡直有置身泰國嘅感覺。泰式蝦炒金邊粉 $88呢碟金邊粉夠曬足料，剝殼大蝦爽甜彈牙，芽菜夠爽口，金邊粉帶點煙韌口感，調味亦恰到好處，相當有質素！經典嘅泰式奶茶，茶味香純。薄荷青檸梳打，冰凍清涼，同熱辣辣嘅泰菜簡直係絕配！
不得不先介紹呢度嘅芒果糯米飯($58), 芒果香甜多汁，糯米飯軟綿綿，最吸引我嘅係糯米飯上蓋上一層厚厚椰漿，賣相加分之餘，椰漿係經過調味唔會死甜，加上綠豆脆脆，每一啖都係享受！係我食過最正嘅芒果糯米飯之一！
串燒沙爹牛/雞/豬6串 $88
今次揀咗牛雞各一半，串燒帶點香烤味，但又唔會燶，牛肉夠腍，肉味香濃，雞肉好入味，唔會烤得太乾，配上地道沙爹醬，簡直有置身泰國嘅感覺。
泰式蝦炒金邊粉 $88
呢碟金邊粉夠曬足料，剝殼大蝦爽甜彈牙，芽菜夠爽口，金邊粉帶點煙韌口感，調味亦恰到好處，相當有質素！
經典嘅泰式奶茶，茶味香純。薄荷青檸梳打，冰凍清涼，同熱辣辣嘅泰菜簡直係絕配！
Post
