長阪燒

Open Now

Now Closed

今日黎到朗豪坊行街，晚餐唔知食咩好，就跟google map黎到呢間餐廳。見到呢個招牌轉入去搭lift就得，好貼心~~一入去見到好高級、好有日本feel嘅裝修，成個環境好舒服，廚房又係open kitchen，透明度好高，好乾淨。份menu設計得好靚好清晰，款款菜式都好有特色😋我地叫左松葉蟹膏多士、雜錦天婦羅、雲丹拖羅蓉山盛、拖羅根沙律，仲揀左雞肉大蔥、雞腸、雞皮、雞首肉、黑豚、豚肉秋葵、青椒仔，7條串燒。松葉蟹膏多士 ($128)，賣相好靚，好多膏，有6舊烤多士，絕對夠搽。蟹膏好有鮮味，唔係死咸；多士仲有少少牛油味，配蟹膏真係好正，係第一次食到好特別、回味無窮嘅味道！雲丹拖羅蓉山盛 ($188)，海膽好多、三文魚子滿瀉晒出黎，視覺效果爆棚。拖羅蓉都好新鮮，入口即溶，海膽肥美一d都唔苦，好好食！雜錦天婦羅 ($128)，炸粉好薄，蕃薯、南瓜、青椒、菇都炸得好好，炸蝦好大隻，啖啖肉拖羅根沙律($78)，是日special，好fresh，好少見到魚肉沙律，d魚肉燒到好好食。大家可以叫黎試吓7枝串燒 ($200)，雞首肉、豚肉都好好食，冇雪藏味，肉味鮮美，啖啖肉；雞腸、雞皮亦好特別，口感爽脆