百味閣餐廳

Open Now

Now Closed

百味閣門面有兒時家人帶去的餐室感覺，懷緬跟家人一夥兒食聖誕大餐，餐廳內裝修依然懷舊，有啲似拍戲場景。點了個晚餐，先上忌廉餐湯，係洋蔥蘋果湯配蒜蓉包，主菜係百里香焗嫩雞$118，好香的百里香香草味，有半隻春雞，份量夠大，肉質嫩滑。剛才看餐牌見到好多款特色湯，叫了鮮蠔煮蘑菇湯$68，驟眼望似普通蘑菇湯，一畢下原來係一隻大蠔，好肥美啖啖肉。再散點了出名的香橙蘋果焗美國豬柳扒$108，賣相一流，香橙同蘋果片都一整塊，夾埋豬柳一齊食好juicy ，旁邊還有薯蓉，有粒粒薯仔蓉，好香牛油香味。再上餐甜品，好的骰，係朱古力漿迷你生果火鍋，生果新，再配一粒棉花糖，好貼心。讚賞店員殷勤有禮招待，令你有食私房菜的貼心感覺，每人約$150 價錢合理呀。