禾庭手工火鍋 (Closed)

銅鑼灣廣場後面街駱克道有間新開好有特色的火鍋店《禾庭手工火鍋》。餐廳的賣點是手工湯底，款款都好有特色，【霸王藏嬌鍋】(黃油雞、花膠、竹生、南瓜、桃膠)~打開蓋聞到好香藥材味，半隻黃油雞份量好足，店員會幫忙將雞切件再放入鍋，雞肉嫩滑，大大塊花膠滑捋捋，有我喜歡的竹笙，最特別係個桃膠做湯底，平時食糖水食得多，第一次食咸嘅，不錯呢，好滋潤，其他配料包括蟲草花、紅棗、南瓜、旺菜等。蝦兵愛上老油條(蟹子蝦滑釀油炸鬼)~這個可以就咁食，勁脆，或者放湯幾秒也可。本地鮮滑牛肉片~輕輕調味的牛肉，大大塊放湯依然嫩滑，但不要淥太久。手作芫茜皮蛋豚肉餃~一個傳統嘅口味，大膽嘅嘗試，有驚喜，大大隻餃子，咬開充滿皮蛋，好好食，推介！手打墨魚丸(半份)~彈牙好吃。薑汁黃沙豬潤~好新鮮，一咬就開，爽口。無糖台式烏龍茶~一解火鍋熱氣。