和藏 (Closed)

🥂老公生日，特登帶佢嚟呢間上環日本餐廳食生日飯慶祝。一入到去餐廳佢嘅日式裝修即刻吸引住我！🇯🇵餐廳裝修高檔，即刻打下卡先😁🤌串燒和牛之選🤌 總共叫咗三串和牛串燒試一試，1️⃣牛小排，牛小排牛味香濃，用少少鹽吊味已經好出！ 2️⃣牛小排蔥卷配紫蘇醬油，牛小排串燒，捲上香蔥，牛嘅油膩再加上淡淡的紫蘇醬油，口味清新，心曠神怡！ 3️⃣牛肩蔥間。牛肩嫩滑配上燒香左嘅大頭蔥，零舍充滿日式風味！🐮宮崎A4和牛他他，加配海苔天婦羅。和牛他他柔滑軟淋，加上生雞蛋黃，令牛肉更為嫰滑 ，充滿層次。海苔天婦羅十分鬆脆！🍣和牛五卵壽司拼盤。呢個壽司拼盤，直頭係和牛愛好者必食首選呀‼️和牛上面分別有鳥魚子，海膽，明太子，魚子醬同三文魚子❗️和牛入口即溶，再加上五卵刺身，完全突出到和牛嘅鮮味！總括嚟講，食材新鮮，食嘅時候完全感受到廚師製作菜式嘅用心。100 分推薦！！餐廳好full, 唔book食唔到。大家下次你一定要記住book位先啦🫶