Video
Read full review
2024-10-22
242 views
秋田二人套餐共有1️⃣2️⃣道擺盤精緻嘅精品菜；多道菜採用和牛🐮、活龍蝦🦞同活鮑魚等高級新鮮食材；師傅更即席表演火燒龍蝦，簡直係視覺同味覺最高享受😍🥗季節沙律沙律菜新鮮爽口，再配上酸汁，好醒胃🥚魚籽鵝肝蒸蛋蒸蛋嫩滑，蛋味香濃；加上鮮甜嘅鵝肝，同卜卜趣嘅魚籽，層次感豐富🦞鮮活時令龍蝦師傅將生猛活龍蝦放上鐵板，再純熟地將龍蝦起肉拆件：蝦膏煮成醬汁，再炒香龍蝦肉；蟹頭用嚟煲湯；龍蝦肉炒香切粒龍蝦肉質鮮甜彈牙，而且結實爽口，配上特製醬汁，鮮味爆發師傅唔單止廚藝精湛，仲表演火燒龍蝦頭🔥，火焰衝上半天，睇到人眼定定🍲龍蝦清湯火燒後嘅龍蝦頭被師傅拎去煮龍蝦湯，清甜又有鮮味🦪原隻鮮活南非鮑魚新鮮鮑魚從魚缸裏拎出嚟，所以非常生猛，師傅細心將腸同唔食嘅部份挑走，再將鮑魚燒熟﹑切片，以燒過嘅昆布墊底，配搭秘製海苔可樂忌廉醬，令爽口嘅鮑魚有一種從未食過嘅美味🐠季節時令海鮮蘇格蘭蟶子皇同樣爽彈，師傅仲加入明太子醬同野菜炒香，好味又特別🪿香煎頂級鵝肝厚身鵝肝外脆內軟，質地綿綿細滑，入口即溶；再配上矜貴嘅魚子醬同埋金箔，貴氣十足🐂鹿兒島霜降和牛薄燒卷一入口已經感受到和牛嘅油脂感，但食起嚟一啲都唔油膩；和牛中間卷有香蔥同炸蒜
🥗季節沙律
沙律菜新鮮爽口，再配上酸汁，好醒胃
🥚魚籽鵝肝蒸蛋
蒸蛋嫩滑，蛋味香濃；加上鮮甜嘅鵝肝，同卜卜趣嘅魚籽，層次感豐富
🦞鮮活時令龍蝦
師傅將生猛活龍蝦放上鐵板，再純熟地將龍蝦起肉拆件：蝦膏煮成醬汁，再炒香龍蝦肉；蟹頭用嚟煲湯；龍蝦肉炒香切粒
龍蝦肉質鮮甜彈牙，而且結實爽口，配上特製醬汁，鮮味爆發
師傅唔單止廚藝精湛，仲表演火燒龍蝦頭🔥，火焰衝上半天，睇到人眼定定
🍲龍蝦清湯
火燒後嘅龍蝦頭被師傅拎去煮龍蝦湯，清甜又有鮮味
🦪原隻鮮活南非鮑魚
新鮮鮑魚從魚缸裏拎出嚟，所以非常生猛，師傅細心將腸同唔食嘅部份挑走，再將鮑魚燒熟﹑切片，以燒過嘅昆布墊底，配搭秘製海苔可樂忌廉醬，令爽口嘅鮑魚有一種從未食過嘅美味
🐠季節時令海鮮
蘇格蘭蟶子皇同樣爽彈，師傅仲加入明太子醬同野菜炒香，好味又特別
🪿香煎頂級鵝肝
厚身鵝肝外脆內軟，質地綿綿細滑，入口即溶；再配上矜貴嘅魚子醬同埋金箔，貴氣十足
🐂鹿兒島霜降和牛薄燒卷
一入口已經感受到和牛嘅油脂感，但食起嚟一啲都唔油膩；和牛中間卷有香蔥同炸蒜，配上脆薄香蒜片，層次豐富
🐮鹿兒島霜降和牛厚燒
試完薄片和牛，再品嚐下厚身和牛～ 肉質柔軟細膩，油脂同雪花分佈均勻且細密
🍚秋田炒飯
冷藏過嘅日本珍珠米粒粒飽滿，加入櫻花蝦、雞蛋、香蔥同蘿蔔粒炒香，顏色金黃光澤，但毫不油膩，睇得出師傅嘅功架
🥦炒野菜
用蒜香牛油炒嘅野菜，特別香滑，蔬菜亦好鮮甜
🍦精選甜品
即製銅鑼燒嘅餅皮被煎香，紅豆微甜，配合綠茶雪糕，就算食到好飽，都想繼續食
最後，師傅表演蛋漿寫字，寫上祝福句；餐廳更送上chiikawa畫碟甜品，為呢一餐畫上完美句號😍
師傅仲識畫好多高難度圖畫，所以聽職員講，唔少食客都會選擇喺度搞生日會同周年慶祝🍾
其實秋田有3層，一樓係鐵板燒為主、二樓以刺身作為主題，3樓就設有包廂，除咗可以同朋友享受私人鐵板燒外，仲有巨型梳化添🥰
Post
