麗島小廚 (Closed)

今晚兩個人食雞煲，揀咗椰子雞煲，半隻雞份量，再加少少火鍋配料，飽到冇朋友。佢呢度湯底、雞同埋椰青係分開上嘅，半隻雞都幾大隻，而且都幾新鮮。將雞同埋椰青到晒落個湯底度等佢滾起，唔使咁快打邊爐住，食吓雞飲下雞湯都不知幾滋味。啲雞真係好新鮮好嫩滑，而且啲雞都唔係好肥，唔會搞到成個湯底油淋淋，個椰子雞湯真係好飲，好香椰子味。火鍋配料我哋只係嗌咗韭菜餃，呢度嘅韭菜餃幾好食，入面啲韭菜好新鮮。呢度嘅大檸茶幾抵飲，大大杯，啱晒食雞煲。