Video
Read full review
2019-05-06
546 views
今日黎試呢間o係灣仔新開張嘅omakase。位置唔難搵，o係喜匯旁邊嘅廈門街。上到去門口分別有一塊小木牌同紅色布幅寫上餐廳名「鮨生賢」，設計清晰簡約。入到去樓面都係行木系清新簡約風格，一張長嘅Omakase檯，加上五張卡位檯。Omakase檯每一個位都已經一早Set好，擺得好整齊，菜單同用餐布上嘅文字都係由老闆親手寫落去，成件事非常有質感。今次目標十分清晰，就係食omakase。從來omakase就講食客對師傅嘅尊重同信任，所以都唔洗諗好多，揀好一個價錢嘅餐，就交比師傅決定食咩食材！好快就已經有前菜食！有四點包括果茄、湯頁、蘿蔔同青瓜海蜇。 第一次食果茄，原來係咁甜！經理都同我地解釋得其名，就係因為食落個甜度好似水果，可想而知真係幾清甜；湯頁即係新鮮嘅豆腐皮。食落非常清新，有淡淡嘅豆味，加埋係冷盤，當清一清味蕾；蘿蔔整得好軟好入味，每啖都有好多汁；青瓜海蜇同樣清新爽口，做前菜一流！食完前菜，師傅好細心會切幾片柚子蘿蔔同薑片，比我清一清味蕾。雖然話咁，都唔好忽略佢，因為柚子味都幾重，好食！接下來係北海道真蠔。隻蠔超大隻，蠔殼大過一個男士嘅手掌，蠔肉同一部IPhoneX差不多大！食落非常鮮
上到去門口分別有一塊小木牌同紅色布幅寫上餐廳名「鮨生賢」，設計清晰簡約。
入到去樓面都係行木系清新簡約風格，一張長嘅Omakase檯，加上五張卡位檯。
Omakase檯每一個位都已經一早Set好，擺得好整齊，菜單同用餐布上嘅文字都係由老闆親手寫落去，成件事非常有質感。
今次目標十分清晰，就係食omakase。從來omakase就講食客對師傅嘅尊重同信任，所以都唔洗諗好多，揀好一個價錢嘅餐，就交比師傅決定食咩食材！
好快就已經有前菜食！有四點包括果茄、湯頁、蘿蔔同青瓜海蜇。
第一次食果茄，原來係咁甜！經理都同我地解釋得其名，就係因為食落個甜度好似水果，可想而知真係幾清甜；湯頁即係新鮮嘅豆腐皮。食落非常清新，有淡淡嘅豆味，加埋係冷盤，當清一清味蕾；蘿蔔整得好軟好入味，每啖都有好多汁；青瓜海蜇同樣清新爽口，做前菜一流！
前菜：果茄、湯頁、蘿蔔、青瓜海蜇
7 views
1 likes
0 comments
食完前菜，師傅好細心會切幾片柚子蘿蔔同薑片，比我清一清味蕾。雖然話咁，都唔好忽略佢，因為柚子味都幾重，好食！接下來係北海道真蠔。隻蠔超大隻，蠔殼大過一個男士嘅手掌，蠔肉同一部IPhoneX差不多大！食落非常鮮甜，海水味唔會太鹹，好似我呢D食唔慣蠔嘅，都覺得好好食！上面嘅蔥同柚子，吊起左整隻蠔嘅鮮味。掂！
釀製蘿蔔及薑
3 views
0 likes
0 comments
北海道真蠔
14 views
0 likes
0 comments
接下來係刺身嘅部分。首先係海螺刺身。海水味就無，換得而來就係海螺本身嘅鮮味，加埋爽口彈牙，脆卜卜非常過癮。
海螺刺身
16 views
0 likes
0 comments
下一道係深海池魚，新鮮就當然啦～ 蔥（介紹係日本最幼嘅蔥）同個酸隻加埋一齊，將刺身昇華，鮮味中帶有一點點酸，胃口即刻打開！
深海池魚
11 views
0 likes
0 comments
係食呢道菜前，師傅賣關子唔話比我地知係咩，要我地食左先講。「來吧！我甚麼都不怕！」表面稍微燒焦，食落表面有少少脆身。一咬下去，有D滑溜溜嘅液體流出來，我迅間就知道大約係咩來..師傅即刻話呢個係真鯛嘅白子。簡單講就係精子。老實講我唔係好食得慣，師傅話呢個係季節性食材，只有春天先有，即刻大開眼界，平時無機會食嘅野，我就係道食到啦～
真鯛白子
23 views
0 likes
0 comments
下一道係深海八爪魚刺身。平時食開嘅八爪魚就無咩味，但呢到嘅八爪魚係用汁浸過，所以非常入味。以為會好有煙奀，但食落先發現師傅已經整到好淋，唔難咬開，所以食落都唔會好狼狽。
深海八爪魚刺身
14 views
0 likes
0 comments
之後係凍食嘅鮑魚。口感整得岩岩好，唔會太奀口，又唔會太淋。細啖細啖食，都好有鮑魚嘅香味。隨鮑魚會有伴碟。唔好睇小佢，初頭唔知可以食，經理提議下一齊食，好香嘅紫蘇葉味散發整個口腔，超級香！真係有眼不識泰山。
鮑魚
38 views
0 likes
0 comments
最後一道刺身係帶子海膽，再用紫菜包好。帶子表面用火槍燒過，令表面微脆，加埋軟淋淋嘅海膽，仲有紫菜十分香脆。帶子嘅油融入海膽同紫菜，係以前未食過嘅感覺。
帶子海膽
17 views
0 likes
0 comments
食完刺身，飲啖茶食塊薑，就開始食壽司啦～呢到嘅壽司飯全部都係用醋同鰹魚汁整，唔會淡而無味。第一件係蓮子鯛。本身就已經非常肥美，油脂充滿整個表面，所以啖啖滋味滿足，魚肉亦唔奀口，非常好！
蓮子鯛壽司
16 views
0 likes
0 comments
第二件係針魚。相對上係一款比較含罕有嘅深海魚（就係細細個紀錄片個D）。第一次食肉質比想像中淋，每一啖就記起佢鼻子上面個支好長嘅針，抓到佢D漁夫真厲害！
針魚壽司
3 views
0 likes
0 comments
第三件係比較常見嘅金目雕，即係我地香港人叫嘅大眼雞。魚身表面呈鮮紅色，吶吶令，望落去非常養眼。食落有陣陣果香味，係一浸無想過食壽司可以食到嘅味道，非常特別。
金目雕壽司
4 views
0 likes
0 comments
第四件係真池魚。食落非常有口感，淡淡新鮮嘅味道，而且肉質肥美，一D都唔梅，爽口十足。好食！
真池魚壽司
12 views
0 likes
0 comments
第五件係黑鯥壽司。黑鯥係另一款深海魚，因為數量稀少，所以亦係非常名貴嘅食材。入口肉質彈牙，亦都相當幼滑，味道偏濃。
黑鯥壽司
8 views
0 likes
0 comments
第六件係小肌，唔同大小嘅鰶魚都有唔同嘅名。小肌就係長7-10厘米嘅鰶魚。師傅特登擺左一塊薑片係小肌上面，大大提升左小肌嘅新鮮味道，咬落有咬口，都幾得意。
小肌壽司
10 views
0 likes
0 comments
之後就係牡丹蝦啦！呢到嘅牡丹蝦將頭切走，就只有下半身，所以滿足到我呢D懶人，可以一啖擺落口食！食落唔梅口，代表非常新鮮好食！
平時係大型連鎖店嘅赤身係硬硬一塊攤係壽司飯上面，但呢到嘅赤身係非常鬆軟，顏色亦都非常深紅，擺入口唔係驚，夠新鮮先會係呢隻色！
赤身壽司
9 views
0 likes
0 comments
然後係整個omakase我最喜歡嘅大拖羅！呢份大拖羅肥美嘅級數單以文字形容都未必形容到個好味嘅程度。入口原來真係有即溶！食完層油仲會遺留係舌頭上面，要一啖食得曬，都咪話唔難道，因為實在太肥太正啦！！！真係要慢慢食～
大托羅壽司
6 views
0 likes
0 comments
呢個搭高做嘅，係北海道馬糞海膽。配飯食又係另一種風味。海膽配合鰹魚汁，更能托出海膽個鮮味，當然仲有海水味啦～
北海道馬糞海膽壽司
17 views
0 likes
0 comments
大拖羅係最肥美，呢個就係第二啦～ 吞拿魚蓉手卷。用火槍稍微燒燒吞拿魚，等D油燒曬出來，再打成蓉，配埋紫菜又係第二個味道，食落無咁大內疚感～哈哈～
吞拿魚蓉手卷
6 views
0 likes
0 comments
臨近尾聲，蝦味噌湯沖一沖整個味蕾，成件事好足料，蝦頭仲可以食埋膏。好食好食！
蝦味噌湯
7 views
0 likes
0 comments
最後甜品係紅豆糯米池！上碟非常精緻，一個Mochi再加埋一塊楓葉，雖然唔食得，不過都睇得！紅豆甜而不膩，為整個omakase劃上完美句號！
紅豆糯米池
13 views
0 likes
0 comments
成個Omakase，食左2個幾鐘。由前菜到甜品，都好似一件又一件藝術品，食完真係好滿足～
Post
