田浦食肉

Open Now

Now Closed

雖然未去過韓國，但係一向都好鍾意食韓國菜🤣今日收工就約埋同事一齊去沙田呢間田浦食肉✨餐廳由韓國Oppa 主理，可以一嚐正宗地道韓式燒肉🔥🔹雞蛋羹成座山咁嘅雞蛋羹一上枱超吸晴！蒸蛋配以芝士，再加蘿蔔絲、粟米粒、沙律醬、蔥花等，入口蛋香四溢，夾雜鹹香半溶芝士，層次豐富！🔹水冷麵用上蕎麥製作，長而幼，口感彈牙帶嚼勁，加入白蘿蔔、青瓜、蛋絲、甜辣醬，拌以同食，味道酸香開胃！🔹大醬湯有國民美食之稱嘅大醬湯以韓式味噌（大醬）煮成，有肉又有菜，風味濃郁！🔹韓式煎餅煎至金黃煙韌，口感QQ軟軟，搭配蔥、韭菜、泡菜等餡料，味道豐富！再蘸辛香又惹味嘅韓式辣醬汁就更滋味！🔹生醃醬油蟹韓國傳統美食之一，將新鮮螃蟹加以各種調味料一齊烹調而成，濃香醬汁帶點鹹辣，難怪醬油蟹成為韓國美食偷飯賊第一位！🔹烤牛排骨套餐軟嫩多汁又入味嘅烤牛排骨，煎至外皮酥脆，咬開肉質鮮嫩，油脂含量平均，口感一流！