Video
Read full review
2009-10-13
85 views
兩年前食到成班朋友XYZ出晒,點知同阿火早兩三個月前試試,又覺得水準回升返,就借"為食到新界"個名攪一次,又遠又隔涉,都有十幾人捧場,老板又著意留左幾味菜,食得盡情又盡慶.可能生意太好,就連旁邊另一舖位亦收歸其下,老實講是乾淨舒服得多,十六人一張大檯亦不覺逼挾.紅叮先行送上日本手信,再有子陵的棄餐酒轉飯後果,實在有點驚喜.水瓜煮魚鰾 : 鹽爆魚鰾爽口之餘多了一朕海水的咸香味,再吸收肉碎湯的鮮甜,水瓜清新鮮嫩,可以話我每次必叫菜色.客家梅菜扣肉 : 雖不至於大榮華級數,但五層肉分明,入口軟糯,送飯一流.魚腐菜心苗 : 魚腐可以話一般,魚味唔濃,菜苗亦唔覺鮮甜,可能是貨源的問題.客家咸鮮草鵝 : 第一次試,可以話有驚喜,咸香的鵝肉嫩滑,完全無常犯肉質死實的毛病,同咸雞是兩種不同風格.炸墨魚棗 : 其實仲有一種蝦棗,但店方好耐無做,只得墨魚棗獨挑大樑,墨棗新鮮熱辣炸起,入口彈牙又充滿墨魚的味道,再蘸點甜酸汁就加好.紅蔥生爆吊桶 : 新鮮吊桶用紅蔥頭,蔥段及洋蔥快炒,時間掌握得好,魷魚剛剛熟,墨汁將魷魚包裹,墨汁的鮮甜味將外表缺點蓋過.炒魚麵 : 魚麵可以話係呢度名菜,用上大量洋蔥絲,冬菇絲,
可能生意太好,就連旁邊另一舖位亦收歸其下,老實講是乾淨舒服得多,十六人一張大檯亦不覺逼挾.
紅叮先行送上日本手信,再有子陵的棄餐酒轉飯後果,實在有點驚喜.
水瓜煮魚鰾 : 鹽爆魚鰾爽口之餘多了一朕海水的咸香味,再吸收肉碎湯的鮮甜,水瓜清新鮮嫩,可以話我每次必叫菜色.
客家梅菜扣肉 : 雖不至於大榮華級數,但五層肉分明,入口軟糯,送飯一流.
魚腐菜心苗 : 魚腐可以話一般,魚味唔濃,菜苗亦唔覺鮮甜,可能是貨源的問題.
客家咸鮮草鵝 : 第一次試,可以話有驚喜,咸香的鵝肉嫩滑,完全無常犯肉質死實的毛病,同咸雞是兩種不同風格.
炸墨魚棗 : 其實仲有一種蝦棗,但店方好耐無做,只得墨魚棗獨挑大樑,墨棗新鮮熱辣炸起,入口彈牙又充滿墨魚的味道,再蘸點甜酸汁就加好.
紅蔥生爆吊桶 : 新鮮吊桶用紅蔥頭,蔥段及洋蔥快炒,時間掌握得好,魷魚剛剛熟,墨汁將魷魚包裹,墨汁的鮮甜味將外表缺點蓋過.
炒魚麵 : 魚麵可以話係呢度名菜,用上大量洋蔥絲,冬菇絲,蔥段及西芹絲同炒,香口又彈牙,同平常食到軟綿綿的感覺是兩回事,再蘸點辣油更加正
薑汁米酒煮豬腰 : 要預訂的其中一味菜,先後要左兩碟,先黎一碟米酒味比較輕柔,薑汁味亦唔突出,反而第二碟就好得多,豬腰更係啱啱熟,而'壓'味亦去得幾清.
沙薑焗豬粉腸 : 好正,沙薑味完全沁入粉腸之內,軟糯的粉腸用黎送酒就最好.
蕃茄豆卜煮雜魚 : 以前會選用'懞仔魚",不過食過兩次都好"腥",今次改用雜海魚又好好多,一d都唔'腥'仲要魚湯鮮甜,又有蕃茄的微酸.
黃酒煮雞(炒)(一隻) : 高水準菜之一, 雞件充滿紅棗及黃酒的甜味,明顯地唔係用砂糖夾硬逼入去,而係將前者的甜味用慢火逐少比雞肉吸收,所以就連雞骨都有味.其實仲有另一種煮法係放湯,不過我都係認為炒會入味d.
招牌菜~~~走地雞 : 香港要食到走地雞店舖唔多,呢度係其中一間,成隻雞一d肥油都無,雞味濃郁,可以唔駛蘸薑蓉汁,而且雖然件頭細,但真係值得試試.
煎蠔餅 : 有人話未上檯都已經聞到蛋香同蠔的鮮味,蛋身比較厚,而且結實,蠔仔汁液充盈,一碟好"食送",真材實料加上用心去煮,就係咁簡單.
苦瓜煲隔山 : 所謂隔山,即係豬既橫隔膜,比較少見既一道菜,入口有點爽口,又唔覺有"酥"味,無乜特別,未食過都可以試下.
煎九棍魚餅 : 單一魚肉,並無加入其他雜魚,肉質彈牙,魚味鮮濃,但與另一味墨魚餅比又好好多.
豬肉丸津白 : 唔係好大粒,豬肉食得出新鮮貨,津白本身帶有甜味,再加上豬肉丸放濃湯,而津白炆得夠淋,已經好好食.
手撕雞 : 比較失色既菜,但都有可取地方,奇怪地雞皮係爽脆,雞肉就比較粗糙,都係走地雞好得多.
煎墨魚餅 : 同樣的墨魚肉,今次改用煎餅上,感覺無咁好肉味,而且之前食過墨魚棗,兩者太似,而且相比下真係無咁好.
砵仔飯 : 當然無得同大榮華比,人地用上燒豬油,點都香口好多,不過砵仔豬油撈飯始終都係好少地方有得食,再加上呢度好多菜都係送飯送酒野,唔多唔少都要叫下.
前後食左有二十個菜,加上fraz 兄同james 兄帶黎靚酒, 咁又一個開心晚上,埋單一人$160仲有找,所以有時食野唔係下下要貴要豪華既!
Post
