隆記茶室 (Closed)

住北角嘅朋友向我推薦隆記茶室，今日喺北角行完街，決定試下佢嘅晚餐先！我同朋友嚟到餐廳，都哇左一聲，茶室裝修好有特色，復古風格，我哋坐嘅位置好舒服，還提供一大瓶水比客人，自斟自飲。點左一個最強雜扒鐵板餐，分別有雞扒、豬扒、牛扒、牛脷、法腸、太陽蛋、薯菜同蔬菜。附送餐包、餐湯，可加$20轉酥皮龍蝦湯。肉質嫩滑，淋上黑椒汁，實在太美味。另外羅宋湯幾好飲，酸酸甜甜，好開胃。隆記手打漢堡，肉質同平時機打嘅唔同，彈牙好多，配上太陽蛋、沙律醬、番茄和蔬菜。大大一口咬落去，充滿豐富嘅口感！另外，必點嘅係酥金寶，超大個麵包裡面裝住瑤柱龍蝦湯，刺穿麵包，讓湯汁留入烏冬中，鮮甜多汁。至於飲品方面，我點左玫瑰花茶，聽聞可以美顏護膚，消除疲勞，入口係清香嘅玫瑰花味。朋友就點左雪糕紅豆冰，大大一杯，好耐飲。最後，朋友話下次想試吓隆記茶室嘅支竹羊腩煲。