雲桂香米線專門店

Open Now

Now Closed

雲桂香係我由中學食到而家都仲要每個月食幾次嘅酸辣米線店。中學戈時窮就會叫零個/一個餸嘅小鍋米線。靜係食佢個酸辣湯底已經好滿足，因為已經包曬芽菜肉碎酸菜等等嘅餸。小鍋米線嘅湯底唔辣係無肉碎嘅，所以最少都要嗌bb辣！而家大咗，經濟能力都提升咗，通常兩個人都會叫兩碗加小食同野飲。我地分別叫咗唔同嘅辣道同餸。尼碗係加咗芽菜同紫菜，量實係好多，堆到山丘咁。另一碗係腩肉蘿蔔。佢地嘅招牌腩肉帶小小辣，但一啲都唔韌，同埋都好木成十幾塊。蘿蔔道食得出係用清湯煮，唔會辣。另外叫咗個麻辣豬腎。第一次食，但食落略硬。野飲平時叫開菊花蜜，今日突然想飲阿華田😲。其實都好大杯，又夠味，用嚟解辣岩岩好🤠👍🏻