黑門水產すいさん (棉登徑)

Open Now

Now Closed

今次嚟到尖沙咀呢一間日式出名食水產嘅餐廳，為處於尖東地鐵站附近，有少少隱世嘅感覺。赤鬼蟹味噌甲羅燒招牌菜，點嘅時候店員提醒我哋食唔食辣。原來係因為喺加入咗辣味嘅蟹膏，店員好好幫我哋燒埋，食落去蟹嘅鮮味好出，配合埋麵豉嘅味道好夾。黑包海鮮太卷太卷嘅份量都幾多，有四嚿一面嘅餡料相當尊貴包括有鮑魚同埋吞拿魚食落好滿足。豚肉鵪鶉蛋卷（一串）薄薄一層嘅豚肉經過燒烤之後相當脆口，配合埋鵪鶉蛋真係好邪惡啊。燒翠玉瓜燒翠玉瓜面頭上面加咗少少章魚燒，口感豐富咗。燒雞頸肉雞頸肉食落有啲似日式居酒屋嘅雞皮，油脂充足。整體嚟講，餐廳裝修精緻，可以過下旅行癮，留港都食到日本水產。