Hard Rock Cafe (Closed)

三年前尖沙咀Hard Rock Cafe結業，本以為在香港無法再感受呢間酒吧餐廳嘅熱鬧氣氛，直至今日Hard Rock在蘭桂芳重現，趁與友人飯局時間未到，一個人到來飲杯酒，順道吐一吐近期囤積嘅悶氣...好多年無試過一人到酒吧飲酒，HH時段就更加係第一次，本來好想要份Nacho或Starter Platter伴酒，但由於當晚仍有兩場飯局要走，所以到來只飲酒不點選食物。無睇Drink List，隨意向店員要一支冰凍啤酒，店員一口氣講出多種大路啤酒款式，就要最簡單嘅Asahi已足夠...手執冰凍Asahi，聽著強烈節拍嘅搖滾音樂，環顧餐廳華麗裝修，氣氛跟當年尖沙咀店分別不太大。身邊所見嘅酒客大部份都係老外，無聊地偷聽佢地興高采烈對話內容，話題原來離不開都係講女人，果然酒吧係男人傾秘密嘅好地方，有趣！雖然Hard Rock消費比起其他蘭桂芳酒吧貴，而且亦無HH時段買一送一優惠，但男人就總愛到呢種奢華酒吧，傾傾計同結識新朋友。朋友到來後提議轉場再飲，誰不知店方遲遲未能印單結帳，最後只通知侍應一下，放下鈔票就拂袖離開。以一間有規模嘅酒吧來講，似乎不應該出現呢個情況吧...