大紅袍火鍋料理 (Closed)

幾個男人食餐飯聚舊，自然就係打邊爐，今次見到呢間大紅袍有個招牌湯底叫金屋藏嬌，自然二話不說就決定去試下佢。入到去個環境滿滿的中國風，同店名襯到絕。坐低後我哋當然要點返個金屋藏嬌湯底，一大堆男人打邊爐必點嘢食，同一人一杯麒麟生啤，啤一啤佢。個金屋藏嬌一到就聞到香味，咁啱現炸既響鈴到左，決定用佢來打響頭炮。響鈴浸一浸個湯幾秒，放入口滿滿既濃湯真係好過癮，再淥一淥牛肉配啖生啤，真係滿足！麻甩佬食飯唔點鵝腸點得，啲腸一睇就對板，滿滿既油份，真係食完仲想再食！