相馬日式火鍋 (Closed)

男朋友生日話想慳吓我銀包嘅錢，叫我請佢食打邊爐就算啦😆，咁我梗係揀一間價錢合理，又要好好食嘅滿足下佢啦❤️聽朋友介紹呢間相馬火鍋質素好好！湯底方面有好多唔同嘅選擇！🔸中華辣湯🔸蕃茄湯🔸甜豉油湯🔸清湯🔸豚骨湯等等都有。我自己就私心推介中華辣湯，因為辣味唔算太過辣，唔會好重口味，又可以過下食辣嘅口癮。一見到佢哋啲海鮮就忍唔住叫，睇落款式種類好多！🔸日本帶子🔸蟹棒🔸青口🔸虎蝦等等都有！我自己就私心推介佢哋嘅虎蝦，大大隻得來蝦肉好彈牙🦐👍🏻仲有肉類嘅選擇都好多！唔同嘅部位都有，無論係🔸豬🔸雞🔸牛都有齊晒👍🏻我自己就私心推介美國特選牛肩胛，牛肉味重，睇落非常之吸引，識落味道亦都好出色。食到飽飽哋想飲嘢，仲有大量唔同嘅汽水飲品提供👍🏻爽！