簡.聚

Open Now

Now Closed

元朗呢一頭真係好多好嘢食，好多用心經營嘅小舖，今日同老公過去支持下其中一間門面幾靚嘅。成日經過都畀門面嗰啲花花吸引住成間舖嘅裝修都以花為主題幾吸引，呢度係主打西式嘢食， 人流都幾多。我叫咗一個安格斯菠蘿漢堡配薯條套餐。 安格斯牛扒超口磁 菠蘿都燒得好甜啱啱好最鍾意係個包係外脆內軟 ，夾埋一齊好好味。 套餐係包埋一個蕃茄湯或沙律， 配一杯精緻咖啡。老公就叫咗個 三文魚忌廉意大利麵。 三文魚嘅份量比想像中多，忌廉汁唔會好傑係好食嘅忌廉汁。最後叫咗個甜品係個 藍莓檸檬撻 食完啲heavy嘢配一個酸微微嘅甜品就啱啱好。 今次坐喺吧檯週圍畀花花包住嘅感覺真係幾好。