Video
Read full review
2023-09-12
207 views
🎉登登登登！呢排卡肥頻頻出場，今日仲要係卡肥大日子，梗係出黎食餐好嘅！📌就返卡肥唔鐘意去太遠，熊妹知道太子開左差不多有一年的新cafe《Owens》都未試過，一於一齊黎品嚐下。📌《Owens》地理位置真係超級方便，係太子地鐵站D出口一出轉右就係，成條街望落去，一望到個拱門門口裝修咁有特色，就知係《Owens》。📌《Owens》裝潢行波希米亞風味，以白色同木系簡約設計，入到去已經感覺好光鮮舒服。📌三點黎到，有午餐同下午茶menu，有意粉、飯、漢堡包、牛排、全日早餐等等，價錢由$48-$128，包餐包及飲品，今時今日香港地，咁的價錢，咁靚環境，真係買少見少。📌另外，仲可以追加小食$28-$38，有洋蔥圈，雞翼，焗生蠔等等，又或者追加甜品$38-$48，有招牌法式焦糖燉蛋，自家制蛋糕，芝士蛋糕，心太軟，提拉米蘇等等，真係樣樣都好吸引！香烤雞胸西西里意粉， $58以為下午茶餐細細碟，一上枱同平時正餐嘅份量係一樣咁大碟，但價錢就平啲，咁抵食喎！一大舊雞胸切成五六大件，上下表面都煎香過，香烤雞胸煮得好淋身鞋口，調味都幾入味冇雪藏味，份量好多一啲都唔吝嗇。西西里意粉即係蕃茄醬意粉🍝，蕃茄醬酸甜味調得
📌就返卡肥唔鐘意去太遠，熊妹知道太子開左差不多有一年的新cafe《Owens》都未試過，一於一齊黎品嚐下。📌《Owens》地理位置真係超級方便，係太子地鐵站D出口一出轉右就係，成條街望落去，一望到個拱門門口裝修咁有特色，就知係《Owens》。
📌《Owens》裝潢行波希米亞風味，以白色同木系簡約設計，入到去已經感覺好光鮮舒服。
📌三點黎到，有午餐同下午茶menu，有意粉、飯、漢堡包、牛排、全日早餐等等，價錢由$48-$128，包餐包及飲品，今時今日香港地，咁的價錢，咁靚環境，真係買少見少。📌另外，仲可以追加小食$28-$38，有洋蔥圈，雞翼，焗生蠔等等，又或者追加甜品$38-$48，有招牌法式焦糖燉蛋，自家制蛋糕，芝士蛋糕，心太軟，提拉米蘇等等，真係樣樣都好吸引！
香烤雞胸西西里意粉
$58
9 views
0 likes
0 comments
以為下午茶餐細細碟，一上枱同平時正餐嘅份量係一樣咁大碟，但價錢就平啲，咁抵食喎！
一大舊雞胸切成五六大件，上下表面都煎香過，香烤雞胸煮得好淋身鞋口，調味都幾入味冇雪藏味，份量好多一啲都唔吝嗇。
西西里意粉即係蕃茄醬意粉🍝，蕃茄醬酸甜味調得剛好，仲有粒粒蕃茄蓉，意粉煮得淋身易入口，撈埋蕃茄醬酸酸味味食，非常滋味！
美國安格斯芝士牛肉漢堡
$78
8 views
0 likes
0 comments
📌熊妹其實好鍾意食漢堡包，因為好鍾意食漢堡扒個舊肉，而且仲可以加埋蕃茄生菜，非常清新。
漢堡包就係經典嘅漢堡包樣🍔，上下兩塊麵包，中間夾住一片芝士🧀，一塊漢堡扒🐷，兩片蕃茄片同一大片生菜片，真係好典型嘅漢堡包。
熱熔芝士鋪喺漢堡扒肉上面，再塗上少少燒烤醬，咬落去會融入喺漢堡扒，芝味濃郁，蕃茄同生菜片就可以解吓漢堡肉的油膩，呢個就係熊妹喜愛食漢堡包嘅原因。
比較驚喜嘅反而係塊麵包，入面塗了一層牛油再焗過，層層牛油香味滲入係麵包中，麵包冇比醬汁或者蕃茄等等濕潤材料整淋左，咬落去仲好軟熟同煙靭，烤焗過但又唔乾，可以就咁食塊麵包都好香牛油味。
另外仲有一兜粗薯條🍟，卡肥話粗薯條好過幼薯條，因為面積大啲可以沾上更多嘅蕃茄汁，令到比例均勻啲，大大條又有咬口多啲。熊妹就粗幼都冇所謂，最緊要夠淋身，熊妹真係好鍾意食淋patpat嘅薯條，可以食到本身薯仔肉，咁先食似食薯仔條。
仲有少少沙律菜伴碟🥗，撈上黑醋汁，清新又健康。
水牛城雞翼（4隻）
$38
5 views
0 likes
0 comments
📌卡肥淨係食一個主食又點夠㗎，再追加小食就唔使講啦。
四隻雞翼大大隻，非常夠份量。
雞翼🐥炸過之後再撈上濃濃的水牛城醬，水牛城醬唔算太辣，成隻雞翼都鋪滿醬汁非常濃郁，炸過的雞翼，內裡可以鎖住雞肉汁，水牛城雞翼的滋味就出來了。
芝士焗生蠔
$38
5 views
0 likes
0 comments
📌卡肥鐘意食生蠔🦪，脆脆地食兩隻試吓啦！
面頭鋪滿芝士去焗，真係要趁熱食，鹹香芝士更吊出蠔的海味，食得出成粒蠔肉，咁的價錢配得上咁的大小。打孖食過下口癮好夠！
抹茶紅豆麻糬卷蛋
$38
11 views
0 likes
0 comments
📌食完主食，終於到熊妹最期待的甜品時間啦！熊妹就係衝着呢個抹茶卷蛋而來，因為熊妹就係抹茶控。
卷蛋蛋糕層有厚度，中間的抹茶cream同蛋糕的顏色有深淺的漸變效果，然後再包住白色的麻糬，仲有少少紅豆嘅點綴，所有的層次分明，側邊仲有一啲玫瑰花瓣🌷做裝飾， 前面仲放一塊Lotus焦糖餅乾🍪，成件事又升格左，成款甜品的賣相已經好得，明顯係有構思，值💯分！
抹茶蛋糕層軟綿又濕潤，就算放喺雪櫃入邊都冇令到表層抽乾咗，好明顯係好新鮮，即日製造。
抹茶cream抹茶味出，又唔係好甜，質感又creamy，軟滑滑又唔係好實， 麻糬做得超軟糯，煙煙韌韌唔好雪凍咗變硬，所有食材質感都做到恰到好處，呢個卷蛋仲要呢個跟餐價錢，性價比絕對超值！
伯爵茶麻糬提拉米蘇
$58
20 views
0 likes
0 comments
點算 ？由於個抹茶紅豆麻糬卷蛋太好味，令到熊妹呢個甜品控意猶未盡，打開左個甜品胃，再想試埋《Owens》另一款招牌甜品-伯爵茶麻糬提拉米蘇。
首先，用咗個好精緻嘅透明玻璃盒裝上的提拉米蘇成件事好高級。🔝
嘩！好香濃嘅伯爵茶味道！好creamy的伯爵茶意大利軟芝士🧀！啖啖cream放入口，啖啖都係伯爵茶味道！茶味濃郁唔太甜，食吓食吓仲有用咖啡酒浸軟咗嘅手指餅，咖啡同伯爵茶味道撞埋，有種獨特嘅味道各有千秋，再食吓再有驚喜，有軟糯嘅麻糬係底層，本身帶有少少甜味，軟綿綿已經好好味，再跟埋伯爵茶cream一齊食，口腔有伯爵茶的味道之餘又有麻糬的咬口，一個字，
牛角窩夫配雪糕
$38
3 views
0 likes
0 comments
📌卡肥想試下呢個牛角窩夫，話未見過又未試過，熊妹心唸：甜品界黎講都係算新的但其實都興左一排喇，哈哈。
牛角窩夫🧇唔係好大一件，剛剛焗起，外層好酥脆，內裡係QQ的口感，好軟糯，又脆皮又煙韌，呢個就係牛角窩夫啦！跟上兩球雪糕🍦係雲尼拿同朱古力味，跟返牛角窩夫的size，一口熱窩夫一口冰雪糕，冷熱交融，卡肥好欣賞呢款新甜品喎！
凍檸茶（左），熱情果·菠蘿乳酪（右）
7 views
0 likes
0 comments
📌卡肥例飲係檸檬茶，凍飲唔洗加錢咁抵既😳。
卡肥話一杯正宗的檸檬茶🍹係三塊檸檬🍋，篤篤篤篤，茶味帶點酸甜，咁就夠解渴喇。
熱情果·菠蘿乳酪（右），跟餐價，加$21（以原價半價）
熊妹就想飲杯乳酪特飲🥤，想酸酸地開下胃又清下腸胃。
熱情果、菠蘿🍍本身已經係酸甜，同乳酪下齊造成特飲，就係酸甜上加酸甜再加酸甜，所以絕對係解渴又解膩，夾！
📌真係好豐盛嘅一餐！由小食到主食到甜品樣樣都係大大份，賣單都係四百幾蚊，抵食之餘又大份，好味之餘又飽肚，服務態度仲要超好，不嫌其煩不停加水加紙巾，又會同食客有交流，一間餐廳，價錢平、服務好、味道正，在香港地，寸金尺土，物價高漲的城巿，真係難能可貴！
Post
