番茄18

Open Now

Now Closed

早收約咗朋友食飯，見西站附近開咗間番茄18就忍唔到住食試下。之前都食過佢地其他分店的番茄出品，今次決定試試其他。個裝修都好懷舊風主要都係大路既米線、飯類。叉燒滑蛋飯：個飯走咗蔥花，個蛋係呈炒蛋、唔會水汪汪的。食落有蛋香同滑身，配上叉燒同甜醬油忍唔住一口按一口，重點飯都偏硬身有質感。個蛋very good口水雞米線：米線有彈性唔會煮過火，口水雞幾惹味係偏甜。如果可以多d肉就好，但個汁撈野幾正。花生碎多士：呢個真心幾邪惡，上面有滿滿的花生碎，多士塊上面沾著花生醬、煉乳，香脆可口。菠蘿冰正常發揮。想讚一讚杯熱奶茶，茶味好出帶一絲絲茶自然的苦澀味，但唔多，同奶滑的奶撞埋好平衡，比坊間好多的冰室出色。