Video
Read full review
2020-02-22
159 views
半山嘅「Tram View Café」真係好有異國風情，英倫風吊燈、小火爐、木鞦韆等等嘅裝飾都令我好似置身於外國，依度除左室內環境舒服好啱休息放空，外面嘅戶外花園更加令人放鬆，大家可以同親朋戚友於戶外花園包場進行BBQ活動。店內已經係一個一流嘅影相打卡地方，但千祈唔好錯過依度嘅最強賣點：近距離纜車風景，不時經過嘅纜車同室內慢活嘅環境真係互相襯托。依到仲有D香港精品賣，好得意好靚。冰滴咖啡，埃塞俄比亞G1西摩達，有SCA評分89分，使用佛手柑、白葡萄、無花果、黑朱古力沖製而成，咖啡味道濃厚芳香，當中帶點甘甜味，回甘度長，入喉後依然殘留到佢嘅味道，咖啡豆經新鮮炒製，豆味更充滿果香，再加上人手泡製，依枝冰滴咖啡得來不易。Signature A，All Day Breakfast之一，包括有蘑菇火腿忌廉湯通粉、炸薯餅、茄汁豆、香腸、煎蛋、牛角包；蘑菇火腿忌廉湯通粉，蘑菇、火腿份量多，啖啖都食到有，忌廉湯味道濃郁，通粉唔會太腍、幾有口感；炸薯餅炸得好香脆；茄汁豆酸甜解膩；香腸唔會太咸；煎蛋雖然睇落係全熟嘅，但中間嘅蛋黃曬，仲有蛋漿；牛角包口感酥脆內軟，帶有浸浸牛油味。Signature B，Al
冰滴咖啡，埃塞俄比亞G1西摩達，有SCA評分89分，使用佛手柑、白葡萄、無花果、黑朱古力沖製而成，咖啡味道濃厚芳香，當中帶點甘甜味，回甘度長，入喉後依然殘留到佢嘅味道，咖啡豆經新鮮炒製，豆味更充滿果香，再加上人手泡製，依枝冰滴咖啡得來不易。
Signature A，All Day Breakfast之一，包括有蘑菇火腿忌廉湯通粉、炸薯餅、茄汁豆、香腸、煎蛋、牛角包；蘑菇火腿忌廉湯通粉，蘑菇、火腿份量多，啖啖都食到有，忌廉湯味道濃郁，通粉唔會太腍、幾有口感；炸薯餅炸得好香脆；茄汁豆酸甜解膩；香腸唔會太咸；煎蛋雖然睇落係全熟嘅，但中間嘅蛋黃曬，仲有蛋漿；牛角包口感酥脆內軟，帶有浸浸牛油味。
Signature B，All Day Breakfast之一，包括有芝士火腿雞絲奄列、多士、茄汁豆、青沙律、炸蝦；芝士火腿雞絲奄列，雞蛋好滑，即叫即整嘅關係，芝士、火腿、雞絲已經撈匀左一齊，所以啖啖都勁濃芝士味道；多士好香脆，唔駛搽牛油都夠Jeng；茄汁豆配多士食都幾夾；青沙律係無沙律醬提供，幾健康；炸蝦，類近天婦羅，口感脆口，蝦肉彈牙。
法式大熱狗配沙律，法包厚身煙韌，脆皮熱狗腸帶有黑椒味道就咁食都好好味，內裏夾住左蔬菜、千島醬，食落唔會覺得乾身；沙律蔬菜款式多，仲有配日式和風芝麻醬，食落好清爽。
美式朱古力蛋糕，朱古力醬、朱古力蛋糕層層相隔、層次分明，朱古力醬味道香濃，朱古力球脆脆令軟綿嘅朱古力蛋糕多一份脆度。
凍朱古力咖啡，朱古力味道唔算甜，咖啡味道依然突出，冰粒表面灑滿可可粉，外型似美祿恐龍。
阿華田麥提沙脆麥乳酪，阿華田粉配上麥提沙，雖然會比較甜，但連埋酸酸嘅原味乳酪食，甜度中和，味道意想不到嘅好味，加上有麥片脆脆、葡萄乾，口感就更加豐富。
Post
