The Dutch House Restaurant

Open Now

Now Closed

餐廳以紅色為主，一入去有大水晶燈，裝修幾有異國風味。餐廳嘅環境幾適合聚餐，感覺舒服！打開餐牌有好多選擇。揀咗店員推介嘅荷蘭小食，呢一款荷蘭小食係荷蘭嘅名菜，基本上必試。揀選左脆炸蝦丸及脆炸牛肉丸。每一粒用小匙羹裝上。兩款外型都好相似，蝦丸入邊見到蝦肉，蝦味非常鮮，很濃嘅鮮蝦味！炸牛肉丸，肉味幾香。入邊係牛尾肉整成嘅牛尾湯，非常有特色。另外仲叫咗荷蘭香腸，中間夾住洋蔥咖哩蛋黄醬，好香口。另外必試煙燻野生鰻魚，店員話每年得500條野生鰻魚。本地人都未必夠食，所以出口就更加罕有。鰻魚質感有少少咬口爽脆口感，似少少煙三文魚味道，有煙燻香。Wine pairing 就配sake. 熟成牛扒味道真係非常好！熟成嘅味道帶出濃烈嘅牛香！牛肉好Juicy，牛扒肥膏邊邊熟成香更重，好正！仲配有厚切薯條，醬汁非常出色，蛋黃咖喱醬估唔到咁好食！荷蘭青口，廚師荷蘭帶返嚟嘅荷蘭煲煮，帶有傳統口味！仲有來自法國蒜蓉牛油拖鞋包，配嚟食！最後食埋櫻桃雪糕做甜品，櫻桃係預先浸咗白酒，然後再配上雲呢拿雪糕，口感細滑，酸酸甜甜。