銀杏時光 (Closed)

店內燈光較為昏暗，頗有情調。桌上有一瓶水比食客自由斟。入面有個沙律吧 可以自選 （蕃茄、粟米、青瓜片..等等） 仲有 沙律醋啊 千島汁 都唔錯咖。 仲有餐湯。當日係紫薯唔知乜湯，感覺似飲緊鹹嘅中式糖水呀。真係好特別。我嗌左個葡汁雞飯啦， 每一啖雞肉嘅口感都好似食緊中東菜咁。 佢同港式葡國雞完全唔同佢係一陣好濃稠嘅唔辣咖喱，加埋椰奶但係椰奶味絕對唔會重。佢嘅雞肉係一絲絲咁唔係平時食到嗰啲雪藏滑雞。好友異國色彩啊。順帶一提佢哋係支持長者就業所以你見到侍應嘅年紀未必好後生。但係佢哋好有禮貌同埋友善。