銀杏時光 (Closed)

前幾日和一位朋友一起到銀杏時光吃午飯，支持一下社會企業和長者就業。餐廳的情調很好，很有氣氛。 長者職員很健談，服務很好，感謝他們的熱情招待，讓用餐嘅氣氛變得好好😊。他們推出了新菜單，午餐好吸引，我們叫了日式咖哩吉列豬扒蛋包飯和厚切豬柳配焦糖蘋果醬。咖哩好入味，吉列豬扒又香又脆口。厚切豬柳大大塊，非常鬆化，同香甜的焦糖蘋果醬味道出乎意料咁夾！跟餐仲有沙律、湯同甜品，太豐富，這個價錢吃到咁多野，超級抵吃😉！

父親節 我地黎個10人晚餐當日已經訂滿檯 但職員都好好俾我地臨時加2個位🙏🏻可惜當晚換menu , 餐牌上單點只可選葡國烤肉拼盤（烤春雞 美國豬鞍 法國羊扒 比目魚 法蘭克福腸）我地另外叫7個set dinner附送4個小食 經理叔叔好有經驗 好細心俾意見 推薦啱我地嘅炸雞 蒜蓉包 素春卷 洛神花烤雞翼 加個馬介休球自助本地菜沙律吧好新鮮 👍🏻帶子卡邦尼意粉有驚喜 黑松露義大利飯質感都好好 西冷一個5成一個7成都剛剛好 黑椒汁惹味另外有點保雲酥鱸魚 茴香烤雞 西班牙豬肉眼扒 拼盤都好食 如果有多啲唔同種類嘅汁就更豐富 同埋唔知有冇多啲伴菜選擇 （烤雜菜/ 薯蓉instead of 薯角）咁會更健康見人地食評話冷氣夠大 可惜當日冷氣間中唔夠風 但經理叔叔俾足心機跑上跑落去整 仲要覺得唔好意思而不停道歉 仲同live band 哥哥共唱一曲 誠意滿分💯樓面同水吧人唔多 2個人有啲踢腳 以父親節full house黎講效率OK, 只係辛苦了經理叔叔同水吧姨姨 希望社企老闆見到呢篇都可以俾多啲支援見午餐menu幾吸引 下次再來試試

知道這兒有得聽歌，提早訂定父親節既位，因餐廳位置有點吊腳，行到一身汗終於搵到了，我和表姐二人被安排坐在近門口位，未落單已放低咗一碟沙律菜，我說:我們未點餐噃，女侍應話，驚一陣唔記得，所以先上。另兩位家人也到達了，有位伯伯過來幫忙落單，因頭皮都仍在出汗，故此，我們要求先上凍飲，幫自己降降溫。之後..兩個西冷牛扒(一個五成，一個七成，肉質唔得，咬落有渣)上檯，我覺得奇怪，便問:未上湯噃??女侍應說:湯要自己出去嗶。行出去嗶湯，只得中湯(食西餐，飲中湯🤦‍♀️)，我們4個人，只有1個願意飲。再問女侍應，我們多了2位，是否應該多一碟沙律?(因為上第一碟沙律時，我們只有2位到場)女侍應話，幾多位都是一碟。個Menu寫明有自助沙律吧，您話疫情關係，要您們直接上比客都可以理解，但我們4個人，您只"配給"一碟沙律給我們，仲話幾多個人都係一碟???會否有點過份??算，唔想破壞慶祝的氣氛，忍!! 再上小食(洛神花醬雞中翼及酥炸雞球-小食Okay的)，坐落D汗都未止，原來冷氣出現問題了(壞冷氣冇人想的，我明白也體諒)，唯有再追杯凍飲上檯，之後再上烤雞扒(表姐話味道普通)，保雲酥海鱸魚(亞女話麻麻地，肉有點嚡)

一直推動長者就業的社企「銀杏館」，多年來從報章上看到店舖多次遭遇租約問題而被迫搬遷，慶幸現時仍然有良心的業主支持社企，銀杏館才得以營運下去！這天一班好友來到「銀杏時光」除了支持社企，也希望支持本地的良心食肆，是夜認識了全店年紀最大、81歲的Patrick，他能操一口流利英語，已在銀杏館工作多年，仍然行動自如、笑容滿面地招待顧客，令人十分敬佩。這家長沙灣店和太古分店一樣，有長者彈結他Live表演，自彈自唱，Patrick更即興唱了兩首歌助慶，令食客們情緒高漲，他絕對是銀杏館的「鎮店之寶」！這夜十二位好友飯聚，各帶上不同的好酒，全都免corkage。前菜有炸蝦春卷，酥炸鮮菜籃，洛神花烤雞翼配馬介休球，黑松露薯角及舞茸菌多士，非常喜歡馬介休球，啖啖肉又冇咁熱氣。主食有葡式紙包龍蝦汁焗比目魚，好嫩滑，茴香羊架拌香煎半熟帶子，味道不錯又唔腥，這個時候已經好飽，再來個馬介休炒雜菜，及牛肝菌巴瑪臣意大利飯，真係唯有吃兩口就打包。最後還有自家製杞子桂花糕及馬蹄糕，甜度適中很好吃！沒有想過社企餐廳的食物水準都不錯，長者員工的服務亦相當細心，價錢合理，真係值得支持再支持！

朋友推介銀杏時光，一聽便知是與銀杏館有關連，一向支持社企，中同們就選了這餐廳聚餐。任食Salad Bar款式不多，但美味！Menu內有供應给素食者選擇的菜式，款式算多👍👍👍餐廳大約有十幾張枱，環境舒適，價錢不貴，食物非常美味！推薦！會再encore!😋😋😋

點了龍蝦汁蝦仁燴意大利飯，香濃龍蝦汁包裹粒粒意大利飯，飯質適中有咬口，不過硬過淋！蝦仁彈牙都叫大隻～不過男仔就可能會略嫌小，女仔就岩岩好～佢地最大特色係午餐包沙律吧同湯，可以無限添，但切記唔好浪費食物～沙律菜新鮮同埋係用有機菜，欣賞周打魚湯～好好飲！好creamy！不過佢鋪頭唔算大，午餐時間都真係要等下位，但以長沙灣嚟計，我覺得都算係中上水準～眼見都有唔少捧場客，如果大家想試～建議可以打去卜定位～

We went to this restaurant for lunch, around a table of 20.5 of our group ordered the $198 steak. It turns out the waitress got the order wrong and out came 5 $150 steaks. Now getting the order was a honest mistake, then she had the audicity to ask if we would mind accepting the wrong order (politely) . To me that is utterly unprofessional and disrespectful to the paying customers.The food was decent, nothing spectacular. Some steak came out too raw and had to be regrilled. But it's almost s

店內燈光較為昏暗，頗有情調。桌上有一瓶水比食客自由斟。入面有個沙律吧 可以自選 （蕃茄、粟米、青瓜片..等等） 仲有 沙律醋啊 千島汁 都唔錯咖。 仲有餐湯。當日係紫薯唔知乜湯，感覺似飲緊鹹嘅中式糖水呀。真係好特別。我嗌左個葡汁雞飯啦， 每一啖雞肉嘅口感都好似食緊中東菜咁。 佢同港式葡國雞完全唔同佢係一陣好濃稠嘅唔辣咖喱，加埋椰奶但係椰奶味絕對唔會重。佢嘅雞肉係一絲絲咁唔係平時食到嗰啲雪藏滑雞。好友異國色彩啊。順帶一提佢哋係支持長者就業所以你見到侍應嘅年紀未必好後生。但係佢哋好有禮貌同埋友善。

同朋友兩個人去食，有自助沙律同湯，現場有live band表演，聽住歌食晚餐真係好有氣氛。餐廳侍應係啲銀髮族，服務態度亦都好好。同朋友嗌咗一個小食拼盤同帶子意粉。食物上到枱都係熱嘅，小食拼盤份量亦都好大份，有春卷薯條·包同炸魚。味道都好正，唔會話太油。意粉都幾好食同creamy，最後再食咗碟沙律先走。兩個人食啱啱好。

到家六人一行到銀杏時光晚餐晚上如果沒有預約的基本是沒有機會， 因為晚上有live band ,大家都係等到唱完先走.Menu有一頁時專屬素食的.另外每叫一樣都可以享受buffet salad bar 同湯. 每一款菜都非常新鮮跟平常在街市買到是有分別的另外當晚是南瓜湯亦是非常好味我們叫了一個咖喱和一個南瓜意粉味道亦是很不錯看起來好像很細份但是對女士是絕對夠食或者太多.當晚的現場歌唱樂隊亦非常有水準他們唱出夠時代的英文及粵語歌曲，對本人喜歡聽舊歌的是非常滿意及享受最後要稱讚當日的侍應生他們全部都是已退休的老人家但是他們非常有禮貌態度好好以及招呼周到值得支持價錢其實是很合理的因為我們在晚上六時半入座坐到10點都只是二百蚊樓下，加上野食好味及這樣的服務質素我是必定會回來再吃的

最近有小學同學從加拿大回港，很熱心的想與香港的小學同學搞一場飯聚，還邀請了以前的老師呢。長沙灣這個地點不算方便，對於喺中環上班的我下班需要沿着元州邨經過青山道一路行過來。店家是社企，專為長者創造就業機會，環境都算幾輕鬆，有life音樂表演，可以點歌。至於食物是西餐為主。沙律和湯是自助形式。味道尚算中規中矩。主菜呢我們就點了幾款。先講這個豬仔骨。大碟不在話下，肉質鮮嫩多汁，底下的薯蓉也做得香滑。至於依個葡汁雞，我會覺得味道較淡，黃姜粉落得有啲多。巴馬火腿意大利麵我就覺得普普通通，面煮的有點過龍，另外一個蝦面都係。意大利飯味道夠香，不過也是煮過龍，飯有點偏林。總括而言，大家都吃得開心，而且長者待應也和我們聊天，挺風趣

今日同事生日約埋一班同事去咗銀杏館午餐，我哋聽日打電話落去訂位！一行六人坐咗係張長枱，就即刻去買食。上次黎都係貪佢可以可以任食沙律同埋餐湯，大家好開心！我地叫左豬鞍，叫左主菜大家都出去拎沙律，勁正！佢地添加好快，見差唔多冇仲有機會轉另外既菜，會有唔同款俾你選擇 👍🏻👍🏻 個湯我地直情見佢由 南瓜湯 飲哂，轉左紅菜頭添！好開心！我個豬鞍黎喇！好嫩，入面仲有少少粉紅！唔錯！個汁係燒汁加蘋果，正！但個底太多薯蓉喇，我食唔哂浪費左 😓 埋尾整番杯凍檸茶 🥰

平時都有去開銀杏館的餐廳，見呢間既西餐好似唔錯，所以亦試試😄首先店員亦是親切有禮，店內氣氛很好，當晚有live music的表演。一入座店員便告訴我們可先免費享用沙律吧的食物（逢星期一至四是免費的）。其後我們點了兩份主食，全部都大大份，兩個人分吃不太完🙈葡國烤蜜味豬仔脾 $168首先擺盤賣相吸引。豬仔脾調味不錯，蜜糖與檸檬醬頗夾，但可能烹調時間出了問題，影響了肉質。薯蓉creamy且有香濃薯仔味。配菜豐富有誠意。可惜附上的醬汁卻感覺味道與碟上食物都不太夾。慢煮豬肋排 $188慢煮48小時的豬肋排肉質非常軟腍，肉能輕易離骨😋👍🏼惟醬汁蕃茄味太出，如能增加一點酸味，味道會提升很多。配料薯王和沙律菜份量頗多。

平時多數留在寫字樓吃，今次精心挑選了這間社企，支持下銀杏館的經營理念。裝修很有心思，也有格調，不沉悶不舊式。而且當班的老人家很熱情，還和我們談笑風生。味道很好，賣相吸引，份量很足，沙律菜是自家有機蔬菜，正。

銀杏館應該唔太陌生，依間銀杏時光主要做西餐，由長者服務員服務你，裝修相當之靚，以深色為主，配上憂暗燈光好有feel有格調，走西餐風，氣氛相當不錯午市半自助餐，價位中高價，但性價比高，由意粉、意大利飯到各款扒都有，絶不馬虎半自助午餐包左自助沙律吧同餐湯，有幾款沙律菜、車厘茄、粟米等，配有千島醬、沙律醬、黑醋、橄欖油等，更有西蘭花薯仔忌廉湯醬料足夠，而沙律菜正常，車厘茄好唔新鮮，不過應該日日唔同西蘭花薯仔忌廉湯唔會太濃，味道都唔錯既香煎黑毛豬柳配黑椒汁，上枱賣相一流份量亦超多，配埋一大舊薯蓉同幾舊grill左既熟菜，配菜都有heart豬柳好腍身，煎得香口，口感不錯，味道唔太濃但幾正可能配酸甜既汁會更正但依個都好好味板煎草飼西冷牛扒，碟上同豬柳一樣，一流賣相，極大份量都係同樣既配菜，叫左五成熟，馬上切開火侯控制得相當不錯，外脆內紅，肉質非常好，牛味濃完全無失場，唯一係某一兩個位膿膿地，但overall實在係正作為社企銀杏時光淨係個idea都已經值得佩服，以長者就業為命題，但整既係西餐，裝修要西式、新潮，長者侍應用英文名，著西服，其實係用細節去打破你對長者既克板印象佩服！#同侍應有講有笑#Li