薄荷葉泰國菜

Open Now

Now Closed

餐廳環境好有氣氛，好鐘意佢啲吊燈，好有異國風 • 情。甜柚鮮蝦沙律個擺碟好靚啊，柚子同蝦都好多，夾埋我至愛既乾葱一齊食，酸酸甜甜脆脆夠哂開胃。呢個細既冬蔭公湯都不到四五碗，仲有兩隻蝦架，味道十分正宗。泰式炒金邊粉好得意啊，隻蝦楝企既！？個蛋網亦做得好薄，加啲青檸汁，yummy 。什錦小食，魚餅蝦餅春卷各有特色，重點注意係個串燒豬肉，平時我去泰國野嗌串燒好少嗌豬，不過呢度既豬嫩滑得黎又有少少豬味，肥瘦度適中，醃味亦唔會過火，推介。椒鹽魔鬼魚，我好鐘意食魔鬼魚，除左鐘意佢既肉質夠特別，介乎於魚肉同雞肉既特別口感之外，仲好鐘意佢啲軟骨，同埋唔係度度有得食呢，之前食過燒魔鬼魚之後幾乎每次見到餐牌有都會嗌黎食。今次見到當然都唔會錯過啦，不過個人覺得魔鬼魚都係燒好食啲，同埋如果炸得脆啲同啲肉厚啲就好喇。最後加多個馬拉盞椰菜苗，兩個人捧住個肚離開。