上岸料理 (Closed)

試咗一間個模式有啲似私房菜嘅日本野，喺食店林立棉登徑入面嘅上岸料理，個裝修有啲似有日式師傅打理嘅嗰啲私房菜咁，有幾台似乎係呢度嘅常客。呢度冇特定嘅餐牌，當日新鮮嘅嘢食會寫晒係黑板上面，當然亦都會有一啲比較大路嘅日本菜式。左口魚薄切$270師傅刀工一流，係我食過最薄嘅薄切，左口魚魚肉夠彈牙，配上刺身薄切專用既醋，味道清新，我比較喜歡捲埋辣蘿蔔蓉同埋葱食，比較有層次。石垣貝刺身$85唔使去石垣都食到石垣貝刺身，的確係香港比較少見嘅食材，唔知點解我硬係覺得好似白色八爪魚腳，識落有啲似赤貝但係腍小小。紅衫魚刺身$120煎紅衫魚食得多，真係未食過火炙刺身，味道偏淡，口感軟綿，個皮酸酸地，有bbq風味。連子鯛刺身$120連子鯛唔多魚油，味道較一般嘅鯛魚濃。火炙壽司拼盤$298個拼盤得五件，份量比較少，三文魚用柚子醬燒，味道偏甜。另外蝦同帶子都做得幾好，而池魚就好有口感，又有魚油香，味道少少酸。比較少見嘅係金目鯛，通常呢啲新鮮嘅貴價魚都唔會攞嚟做火炙，食落個口感好彈牙。松葉蟹腳天婦羅$150炸皮夠薄，裏面嘅松葉蟹食落好有海水嘅味道，鹹鹹地唔使調味。燒日本青椒仔$38雞腎$38雞軟骨$60青椒仔食落幾