港 (Closed)

放工relax下，食下d特別嘅餐廳。灣仔依間餐廳將一d香港元素加落食物度，口味好得意呀，每樣都想試下。特色cocktail嘅食都好有香港元素架，例如Ham+0 (咸加檸)同Mama Day (麻麻地)就夠特別啦。食物呢今次先試幾款，其他留返下次再試！先黎個豆豉鯪魚凱撒沙律，初初以為豆豉鯪魚味道會太濃，原來又唔會喎，味道仲幾夾添，又唔會過油，依然係好清新！港式咸檸炸雞好香口呀，雞肉都幾juicy，再點埋個plum sauce，食多幾件都唔會太油膩。仲有個龍蝦汁雙面黃，都幾有驚喜喎。龍蝦汁同中式麵出奇地夾，都掛到好多龍蝦汁，可以加少少碟邊嘅葱花同蒜片一齊食，多一重香氣。