ABC Kitchen

Open Now

Now Closed

之前睇Youtube見到有人推介ABC，所以一直都好想黎試。今次適逢係記念日，二話不說就打電話黎訂台！ABC佢為一間西餐廳，竟然坐立係熟食市場入面，十分有gimmick。而且皇后街呢個熟食市場亦相對乾淨企理，除咗本地人之外，亦不少外國人同遊客幫襯。一坐低職員就問你要唔要點杯酒，然後介紹左呢枝岩女仔又易入口既Moscato，味道偏甜，個人非常喜歡。精選生蠔 (市價)今次頭盤點左職員介紹既法國生蠔，生蠔好新鮮，而且海水味濃，唔錯！龍蝦湯 $98味道濃郁，入面有幾塊龍蝦肉，夠睇頭亦十分美味。香煎鵝肝配蘋果醬 $138鵝肝好大一塊，外脆內軟，配上麵包同蘋果醬，酸酸甜甜，亦可以剔咗鵝肝嘅腥味，必點！西班牙乳豬配薯蓉及酸什菜 $218乳豬皮烤得好香脆，入面嘅肉質幼嫩，配上薯蓉同酸菜，減少油膩感。頂級肉眼配發豆及長薯仔 $338牛扒叫左5成熟，雖然今次火喉稍微過咗少少，但本身個調味同肉味都岩口味，所以唔太影響。金萬利香橙疏乎厘 $68最後甜品點左疏乎厘，即叫即整，製作需時。疏乎厘做到空氣感，有種棉密泡泡係口中化開既口感。入面亦有橙皮，所以好香橙味。