Video
Read full review
2017-12-21
718 views
晨早六點擲醒左，碌到七點爬起身，見大把時間，走去洗頭沖涼再慢慢先出門口。黑都無輪，突然壞火車，好采只係停駛 5 分鐘啫，到達郵票都仲夠時間食碗麵。其實一直以來都覺得 menu 好混亂，勁多附加費，有些包兩樣、包三樣，頭都痛埋。郵票除港式早餐外，還有歐陸選擇呢。竟然仲有鬼佬沙律，唔洗食港式沙律食到成口沙律醬啦。幫襯郵票最慘係地方好狹窄，檯細櫈又細，檯與檯之間通道肥少少都過唔到。食物質數尚可以，港旗姐嬸們服務滿意，除了來至神州的。早餐 $25 蚊連凍飲超抵食，但郵票依舊食客凋零， 附近幾間茶餐廳都同一境況，不過何解斜對面名門冰室排晒隊呢？到底什麼原因呢？左望右望，再環顧四周，何解找不著筷子呢？沒有筷子的港西餐廳嗎？我不喜歡用叉食湯麵的。到底用叉食湯麵係那時開始？從那裡傳入？因為即食杯麵？極討厭呀﹗我只會用筷子食湯麵、湯河、湯意、湯伊的。您個大陸肥婆叫您比筷子，您大膽飛比我，痴左線呀！什麼服務態度，離晒大譜。我錯了！見耐無幫襯，專登走黎食個出前一丁早餐，點知食物質數、服務都強差人意，劣評滔滔。No 喇，再無下次﹗郵票供應兩款湯粉，原味麻油及豬骨湯味，幾乎每次我都食原味係正常不過。滾水白烚麵條
幫襯郵票最慘係地方好狹窄，檯細櫈又細，檯與檯之間通道肥少少都過唔到。食物質數尚可以，港旗姐嬸們服務滿意，除了來至神州的。早餐 $25 蚊連凍飲超抵食，但郵票依舊食客凋零， 附近幾間茶餐廳都同一境況，不過何解斜對面名門冰室排晒隊呢？到底什麼原因呢？
左望右望，再環顧四周，何解找不著筷子呢？沒有筷子的港西餐廳嗎？我不喜歡用叉食湯麵的。到底用叉食湯麵係那時開始？從那裡傳入？因為即食杯麵？極討厭呀﹗我只會用筷子食湯麵、湯河、湯意、湯伊的。
您個大陸肥婆叫您比筷子，您大膽飛比我，痴左線呀！什麼服務態度，離晒大譜。我錯了！見耐無幫襯，專登走黎食個出前一丁早餐，點知食物質數、服務都強差人意，劣評滔滔。No 喇，再無下次﹗
郵票供應兩款湯粉，原味麻油及豬骨湯味，幾乎每次我都食原味係正常不過。滾水白烚麵條湯粉自己落，有好處亦有壞處啦。能因應個人喜好調較湯汁濃淡度，鍾意可以整包又可以半包，就算唔落就咁滾水浸麵都可以。依個 idea 可以方便廚房，可以方便有多款湯底供應既食肆囉。不過食味就大打節扣，湯還湯、麵還麵，麵並沒有吸收湯汁味道，依舊白雪雪，湯汁味只留在外呢。我食開重口味，當然要全部湯粉、全部麻油落晒啦。
太陽蛋豬扒出前一丁麻油味，我最愛食雞蛋，半生熟流心烚蛋、太陽蛋、荷包蛋、炒滑蛋，款款美味無比，共通點不能全熟囉。太陽蛋用上蛋箍煎，特別圓、厚、香、熱，我非常喜歡。程一個 perfect round 正圓造形特別美觀，蛋白快熟又夠厚，底微焦夠香口 ﹗蛋黃熱燙燙，更加味道香甜 ﹗還以為塊豬扒漏單添，原來收埋係底，點見到呀。沉底豬扒已經浸死左喇，使到部份肉香肉汁流失，搞到淡鬼晒囉﹗何解不是鋪係面呀？用湯洗完塊煎豬扒無晒香口感覺，幸好豬扒吸收湯汁味道，依然味濃有肉汁，都好好食。
太陽蛋沙嗲牛肉出前一丁麻油味，太食出前一丁經驗超過三十年，試過既茶記都多不勝數，從來無一間像郵票這麼獨特，先將沙嗲牛肉放碗底先再落麵再倒湯既，您係勁喎 ﹗我要係碗底救返晒所有沙嗲牛肉上面囉，玩咩﹗牛肉質地十分鮮嫩喎，每日都新鮮做的嗎？原汁原味，甜甜沙嗲味中滲著鮮牛味道，有料到。搭幾片鞋硬椰菜，麻麻地喎，用紹菜才會更甜啊 ﹗下次要記得走左去，不想浪費食物呢。
火腿豬扒出前一丁麻油味，薄切豬扒好咸喎，乾爭爭又無鮮味。隔夜翻炸的嗎？顏色深啡暗啞，怪怪的亳無生氣。火腿有煎過，特別熱辣辣，特別香噴噴，不是求其凍冰冰掉係麵上面算數，值得一讚。
太陽蛋蟹柳出前一丁麻油味，太陽蛋被插死左呀，穿左陰功啊，血流成河喇 ﹗蛋汁漏晒，怱忙急急用麵條捲起，要全數吸入口中，不能浪費如此寶貴的蛋漿啊 ﹗溶掉在湯汁之中就慘喇。用力大大啖啜啜啜，掛上蛋漿夾著蛋白衝入口中，塞得嘴仔滿滿才夠暢快，好好味呀﹗麵質過關合格，不太差又未叫好，偏腍未算過份已有點安慰。大陸紅膠牌蟹柳，大紅的顏色，眼看膠感十足，食落甜立立，味道及質感都假得很。
太陽蛋火腿出前一丁麻油味，師傅真客氣，醒兩大片蛋殼加料，梗係想幫我補充鈣質呢 ﹗太陽蛋沒有用上蛋箍煎，雖然賣相平平，幸好微焦香口，蛋黃浸浸湯都可以熱燙燙吞下，甘甜無比 ﹗
太陽蛋豬扒出前一丁麻油味，突然豬扒不再沉底，用碟另上架喎。煎豬扒豉油味極重，煎得香口有點肉汁，味道還算可以，質地腍到唔似豬扒，鬆到不得了 ﹗
太陽蛋雞中翼出前一丁麻油味，整碗麵已被我消滅，但雙炸雞中翼還未到呢 ﹗見您即叫即炸，我就耐心等候啦。終於送到，新鮮出爐，炸得金黃鬆脆，驚喜的皮香肉嫩，雞皮脆卜卜香噴噴，內面白肉嫩嫩滑滑，肉汁泛濫，醃味香甜濃濃，難得美味。
蟹柳豬扒出前一丁豬骨湯，預先煮定白烚麵條毫無火喉，有 order 再落滾水送上，食客自己撈湯粉，十足大陸泡麵，勁難食呀﹗麵質又腍又粉，半溶的狀態。發脹的麵條加淡如水的豬骨湯底，又係出絕招既時候喇 ﹗勁落辣椒仔，是鬼但掃晒入口直吞落肚，埋單走人算數。所以出前一丁唔會係郵票食，白烚自撈粉；出前一丁都唔會係英發食，腍劈劈到差不多溶化，討厭 ﹗
太陽蛋火腿出前一丁麻油味
10 views
0 likes
0 comments
太陽蛋沙嗲牛肉出前一丁麻油味
15 views
0 likes
0 comments
太陽蛋豬扒出前一丁麻油味
9 views
0 likes
0 comments
太陽蛋豬扒出前一丁麻油味
9 views
0 likes
0 comments
太陽蛋豬扒出前一丁麻油味
13 views
0 likes
0 comments
太陽蛋豬扒出前一丁麻油味001
13 views
0 likes
0 comments
太陽蛋雞中翼出前一丁麻油味
13 views
0 likes
0 comments
太陽蛋雞中翼出前一丁麻油味
20 views
0 likes
0 comments
太陽蛋雞中翼出前一丁麻油味
23 views
0 likes
0 comments
太陽蛋蟹柳出前一丁麻油味
26 views
0 likes
0 comments
火腿豬扒出前一丁麻油味
28 views
0 likes
0 comments
蟹柳豬扒出前一丁豬骨湯
23 views
0 likes
0 comments
Post
