金記冰室 (Closed)

係跑馬地坐叮叮出黎。見呢樹燈火光猛。又封住兩住個招牌。諗住入黎食餐拎個首名入球。點知呀醬已經入左。呢樹完全唔似未正式開業。啲人流多到呢邊一起身就有人坐。西環店之前食過。灣仔呢到大啲。裝潢帶懷舊風之餘有活力。餐牌用上兵乓球拍。玩味性十足。出面熱到跳舞。就叫兩杯凍野醒下神。分別係黑牛同白雪公主。姐係可樂加朱古力雪糕同七喜加雲厘拿雪糕。好有細個果時既感覺。要知到默書冇一百分係冇凍野飲嫁！半身唔係好肚餓。就叫左個沙爹牛包食下。個包烘得夠火。面啲芝麻好香。外內都脆。唔會一夾沙爹牛就淋曬。牛肉冇梳打又腍。仲要有牛肉味。可能走沙爹汁仲好味。朋友叫左個潤通餐。豬潤爽身唔過老。湯底係雞汁湯。無食唔曬啲通粉既道理。多士烘得又係好。夾埋有蛋汁既火腿奄烈。正見隔離枱果碟好香。就叫埋個京蔥蜆介雞皇。唔只個名霸氣。仲真係好有鑊氣。大蔥香氣同埋蜆介既咸鮮。令啲雞扒件變得吸引。呢個真係估唔到咁夾。平時蜆介點炸鯪魚球嫁嗎。真心推介！