Video
Read full review
2022-03-03
34 views
當cafe遇上salon近排冇得剪頭髮，每次行過啲salon都好想衝入去🤣偶遇一間好特別嘅cafe，一部分係salon，一部分係餐廳，好適合平時等friend整頭髮，可以邊食邊等，正。一定要介紹吓，呢度嘅咖啡好特別，普通一杯latte 都可以揀好多種唔同口味嘅咖啡豆整，而且好多都好特別，有啲會偏甜少少嘅芒果味、有啲係香啲嘅堅果味。。。店員介紹咗好多款，想試晒咁多種咖啡豆都真係需要啲時間。👍🏻風乾豬面頰肉卡邦尼闊麵，$88本身好鍾意闊麵嘅質地，少少煙韌有咬口，越嚼越香，卡邦尼嘅味唔會太重太咸，豬偏肥，但成個麵好香，食落唔會覺得膩。牛油果煙三文魚酸種包配自家製洋蔥，$98好推薦呢款包，香脆嘅酸種麵包底，上面係一層勁厚嘅牛油果蓉，頂層舖上三塊勁大塊嘅煙三文魚，最正係隔離有幾片好酸嘅洋蔥，自家製嘅，一定要配嚟食，同啲牛油果好夾好夾，真係好正🥰忌廉芝士配自家製糖漬士多啤梨窩夫，$78又係好推薦試嘅一款甜品，店員話如果唔怕甜，可以試呢款，但我覺得啱啱好，唔會過甜，上面舖滿新鮮士多啤梨同佢哋醃過嘅士多啤梨，帶有少少酒味，甜而不膩，下面嘅窩夫又勁脆，配埋忌廉芝士，好好味😍餐廳入面就係salon，唔知平
近排冇得剪頭髮，每次行過啲salon都好想衝入去🤣偶遇一間好特別嘅cafe，一部分係salon，一部分係餐廳，好適合平時等friend整頭髮，可以邊食邊等，正。
一定要介紹吓，呢度嘅咖啡好特別，普通一杯latte 都可以揀好多種唔同口味嘅咖啡豆整，而且好多都好特別，有啲會偏甜少少嘅芒果味、有啲係香啲嘅堅果味。。。店員介紹咗好多款，想試晒咁多種咖啡豆都真係需要啲時間。👍🏻
風乾豬面頰肉卡邦尼闊麵，$88
本身好鍾意闊麵嘅質地，少少煙韌有咬口，越嚼越香，卡邦尼嘅味唔會太重太咸，豬偏肥，但成個麵好香，食落唔會覺得膩。
牛油果煙三文魚酸種包配自家製洋蔥，$98
好推薦呢款包，香脆嘅酸種麵包底，上面係一層勁厚嘅牛油果蓉，頂層舖上三塊勁大塊嘅煙三文魚，最正係隔離有幾片好酸嘅洋蔥，自家製嘅，一定要配嚟食，同啲牛油果好夾好夾，真係好正🥰
忌廉芝士配自家製糖漬士多啤梨窩夫，$78
又係好推薦試嘅一款甜品，店員話如果唔怕甜，可以試呢款，但我覺得啱啱好，唔會過甜，上面舖滿新鮮士多啤梨同佢哋醃過嘅士多啤梨，帶有少少酒味，甜而不膩，下面嘅窩夫又勁脆，配埋忌廉芝士，好好味😍
餐廳入面就係salon，唔知平時啲人整頭髮聞到咁香，會唔會好肚餓，我就一定會忍唔住食埋野先走😊
Post
