PHI Coffee & Pancake (尖沙咀中心)

Open Now

Now Closed

雖然已經冇推出任何嘅疏乎厘優惠，但係剛好呢一間餐廳就喺尖沙咀最熱門嘅聖誕裝飾隔離，可以透過透明玻璃窗睇埋燈飾！✨蜜瓜在初夏升溫時疏乎厘絕對係餐廳嘅大熱皇牌產品，上枱空氣感十足，「震騰騰」的質感真係令人好想一啖食咗佢哋(⁎⁍̴̛ᴗ⁍̴̛⁎)餐廳採用日本直送嘅新紀元卵同韓國低筋麵粉，所以梳乎厘確係相當細滑鬆軟。有別於一般藍莓、士多啤梨等等嘅選擇，餐廳亦都提供蜜瓜口味，令到甜品都可以食得好清新，食一啖襯一啖新鮮水果，罪惡感即刻減一半。✨漢堡扒全日早餐非常豐富嘅擺盤、除咗煙肉、牛油果、煙三文魚、煎蛋之外，重頭戲莫過於喺呢塊漢堡扒，非常厚身，入口帶肉汁，另外亦都非常欣賞佢個燴牛面頰，肉質軟入味。✨濃鮮龍蝦意大利飯真係有粒粒龍蝦肉擺喺面，意大利飯嘅口感剛好，醬汁濃郁，而且整體並無好滯口(・ω・)ノ✨班蘭椰子咖啡斑蘭嘅糖漿沉浸係度部，頂部嘅奶泡非常順滑，咖啡帶少少酸口。✨提拉米蘇咖啡佢嘅造型完全令我冇後悔夜晚都要飲咖啡！上面嘅忌廉相當堅挺，唔會太容易溶化於咖啡之中，不過食嘅時候要小心啲，因為會容易被嗆親。