彤福軒

Open Now

Now Closed

疫情之下去高級食肆食飯真係抵到冇朋友，一來有折扣，二來容易左book位好多，最緊要就係佢嘅食物質素同埋服務無變。今日就試咗呢一間，點心非常出色，最正係佢有一個點心套餐，入面基本上有晒佢最出名嘅食物，唔使煩啱晒我。先來個超級靚仔點心拼盤，入面有松茸遼參燒賣、順德拆魚餃同鹹檸檬星斑餃。三款之中我覺得順德拆魚餃最好食，咬落去啖啖一絲絲嘅魚肉，好花師傅功夫同埋心機。鹹檸檬星斑餃都好食，個造型成個公仔咁好得意。廖心燒個造型成個公仔咁好得意。松茸遼參燒賣就食得好矜貴，松茸味好香。跟住嚟個湯，就係非常出名嘅順德拆魚羹，非常鮮味，好味到直頭想飲多一碗。芋茸香酥鴨芋頭香鴨夠軟，最緊要係一d都唔油，另外半碟嗰兩粒西班牙辣椒仔好鮮味好好食。濃湯鳳眼果燴菠菜苗，菠菜苗好嫩滑，鳳眼果結果味好香，另外佢用咗乾杞子，如果改用新鮮杞子效果應該會更好。鳳城五彩炒魚麵又係一絕，魚麵嘅質地本身好好，炒出嚟好香，而且又係少油，材料睇落去簡單，但係味道一啲都唔簡單，師傅好嘢！