吟

Open Now

Now Closed

由於OpenRice有照片限制，依篇繼續介紹餘下嘅菜式。固定菜式嘅部份，香煎大蝦係其中一個非常期待嘅菜式。蝦超大隻，大約有手掌咁長，而每人大約有半隻蝦嘅份量，好滿足呢～ 廚師會即席係你面前表演去殼挑腸切開蝦肉，仲會用蝦膏煮埋醬汁，原汁原味食晒成隻蝦嘅精華，仲啖啖肉添～😛鮑魚都係類似，但係就每人可以食足一隻，同樣地廚師會將新鮮鮑魚即席喺你面前去殼，煎熟切好，加上佢哋製作嘅醬汁，同埋炸左啲菇增加口感～鮑魚非常厚肉，食完一隻即刻飽咗勁多呢😮‍💨 肉類方面，鵝肝好香但係都相對油膩嘅，佢有配一個蜜糖嘅醬汁😋 雖然係最佳嘅組合但真係好邪惡呀！！ 牛肉係近橫膈膜嘅部位，比較重牛肉味，肉感多過油脂感覺，我幾中意呢😋食到呢度其實已經飽咗九成，終於嚟到依餐嘅尾聲，但係千其唔可以錯過炒飯，唔試過你唔知道原來沙律醬炒飯係咁好食㗎😂 炒豆芽同湯就中規中矩冇乜驚喜啦～甜品方面餐廳有兩款自家製嘅雪糕俾我哋揀，一款係柚子雪巴，另一款係芝麻雪糕。因為想食啲清新嘅味道所以揀咗柚子～另一個甜品亦都係我非常期待嘅item😋 仲被男朋友選為成餐飯最好食嘅項目🧐 牛油砂糖煎麵包！睇完師傅做之後，真係好想自己都返屋企煎黎食下～