生記粥麵 (Closed)

小編病左一星期，病到咩胃口都無晒。😷 因為去開廣華醫院睇醫生，就在油麻地地鐵站附近有間老字號粥店， 小編每次病左或者口淡淡想食碗粥，第一時間就諗起「生記粥麵」（下稱生記）。  每次黎「生記」，無論任何時候都必定差不多滿座，今次也不例外。  因為病病地，所以就食碗鮮鯇魚片粥加皮蛋，諗住降降火。🙈  鮮鯇魚片粥（細）（$27）加皮蛋（加$7） 雖然只係叫左細，但份量絕對唔係細😯，而且材料十足。  粥底軟綿綿又有米香，鮮甜可口， 一碗粥加皮蛋就會有原個皮蛋的份量，真的毫不吝嗇！ 皮蛋味道清涼爽口，香而不膩。😌 鯇魚片去骨做得非常好，一點骨都唔會食到， 而且魚片很新鮮，沒有半點腥味， 一碗粥便有20塊魚片，真的是真材實料！  自問小編唔鐘意食粥，不喜歡水汪汪又不喜歡淡而無味， 但「生記」卻是例外， 軟綿綿的粥底加上新鮮配料的鮮甜味，確實溶化我的心。❤️ 病左要戒口，咩都唔食得，食碗靚粥都算欣慰。☺️