金沙角大牌檔 (Moved) New Location

今朝晨咁早9點未夠就已經比隻病貓約食晚飯，差D打亂我整個plan，好彩我禽晚已經諗好今晚食咩。放是收工E然可以飛完個靚髮先食飯。今晚選左沙角村熟食檔的金沙角，想試下大牌檔風味小炒。估唔到見到的竟然係大長今御膳…天啊！點菜時先問下有咩係金沙角的金沙GOOD介紹，幾驚佢叫我食金沙骨。介左個墨魚嘴嘴，好味，由其相比之前個燈映魷魚鬚。不過就嫌腰果多左小小。跟住有個燒羊串，就梳打左小小。沙薑炒爽肚中庸啦，莞西搶味之餘沙薑味唔夠，可能因為太濕身沖淡左。露荀炒班球有酒家風味，一樣係咁無性格食完都唔記得咩味。最後未來見未飽諗住食個口水雞or麻辣鴨舌好呢？結果要個炸釀吊桶，估唔到咁先反高潮。桶內釀左蘿蔔絲、冬菇絲等，香口得來又清甜。可能因為今餐無叫個重味的送，所以硬係好似無咩野食過咁。雖然碟頭唔大，不過一樣係飽飽。味精當然有小小，食完口乾乾地。埋單連B酒$230 有找，抵食。貓就當然更加會話抵食啦！現場無冷氣，食完即閃。