Video
Read full review
2024-02-06
1843 views
好彩之前睇KOL介紹過呢度，如果唔係真係估唔到呢度有嘢食、有嘢睇。餐廳坐位唔多，枱椅都靠著水族箱，可邊欣賞水母泳姿、邊享受美食。跟友人各自點了一個Arctic Set，主菜分別係軟殼蟹意大利燴飯＆羊扒。 前菜：Ricotta Cheese and Tomato Garden Salad沙律菜、蕃茄、無花果、無花果珍珠、芝士、有沙律醋嘅酸，但同時帶有蔬果味嘅甜，作為開胃前菜，perfect! 餐湯：Lobster Bisque with Crab Meat儀式感極重地上枱，先送上攞盤精緻嘅蟹肉及餐包，然後即席慢慢將濃稠嘅龍蝦湯淋上，龍蝦湯入口細滑，味道既鮮且濃。 主菜：Crab Risotto with Soft Shell Crab軟殼蟹炸得非常乾脆，惹味非常。Risotto 煮得好好，juicy、creamy、又有咬口。Lamb Rack with Homemade Gravy羊扒熟成度剛剛好，軟腍輕易切開，切開後仍然見到粉嫩嘅肉色，自家製濃汁味道非常濃郁，啱重口味人士。伴碟嘅薯蓉同蔬菜有驚喜，竟然有radish櫻桃蘿蔔，又爽又脆；蕃茄多汁、小紅蘿蔔脆嫩清甜。甜品：芝士蛋糕，有濃郁嘅
餐廳坐位唔多，枱椅都靠著水族箱，可邊欣賞水母泳姿、邊享受美食。
跟友人各自點了一個Arctic Set，主菜分別係軟殼蟹意大利燴飯＆羊扒。
前菜：Ricotta Cheese and Tomato Garden Salad
沙律菜、蕃茄、無花果、無花果珍珠、芝士、有沙律醋嘅酸，但同時帶有蔬果味嘅甜，作為開胃前菜，perfect!
餐湯：Lobster Bisque with Crab Meat
儀式感極重地上枱，先送上攞盤精緻嘅蟹肉及餐包，然後即席慢慢將濃稠嘅龍蝦湯淋上，龍蝦湯入口細滑，味道既鮮且濃。
主菜：
Crab Risotto with Soft Shell Crab
軟殼蟹炸得非常乾脆，惹味非常。Risotto 煮得好好，juicy、creamy、又有咬口。
Lamb Rack with Homemade Gravy
羊扒熟成度剛剛好，軟腍輕易切開，切開後仍然見到粉嫩嘅肉色，自家製濃汁味道非常濃郁，啱重口味人士。伴碟嘅薯蓉同蔬菜有驚喜，竟然有radish櫻桃蘿蔔，又爽又脆；蕃茄多汁、小紅蘿蔔脆嫩清甜。
甜品：
芝士蛋糕，有濃郁嘅芝士味，同時有濃稠嘅檸檬汁舖面，兩者同時入口，酸酸嘅檸檬汁會稍稍蓋過芝士味。喜歡餅底夠鬆脆。
可能因為置身在水母旁進食，食物美味之餘，看著水母優美嘅動態，過程十分療癒，呢個晚餐簡直係至舒服嘅享受。
Post
