登堂 (Closed)

觀塘The Wave入面有唔少餐廳，今次黎到呢間環境舒適既西餐，梳化位坐得好舒服，同朋友食飯傾計幾唔錯～假日有dinner set供應，主菜以外仲有頭盤、湯、甜品，幾抵食👍🔸螢光魷魚茶碗蒸🔸原來呢間西餐廳日式fusion野，茶碗蒸加入木魚高湯，螢光魷魚同三文魚籽入口即爆發更濃郁既鮮味～正🤤🔸拖羅牛油梨薯筒卷🔸拖羅蓉同牛油果蓉混合埋一齊🥑軟滑又有魚油香😳再用好薄好脆既一層薯片卷起，兩樣一齊食口感更豐富👍🔸餐湯🔸好足料既粟米湯，啖啖都有粟米蓉，調味有少少略重，不過配核桃麥包食就岩岩好🌽🔸澳洲和牛面頰肉醬手造闊帶麵🔸見唔少人讚呢度既手造闊帶麵，食落的確唔錯，闊身得黎又唔會好厚粉既口感👍將溫泉蛋同和牛面頰肉醬撈埋落去一齊食😋果然冇介紹錯！🔸阿根延120日穀飼安格斯肉眼牛扒🔸肉眼扒生熟度控制得好，食落有炭燒香味，肉味唔算好重但好軟冧🤤伴碟既薯蓉幼滑到似醬咁，入口即溶😳🔸甜品🔸跟餐既甜品都唔弱，特濃既朱古力核桃蛋糕，仲有各式既小蛋糕都唔馬虎，而且份量都好多，真係要留番個甜品胃黎食🍰🔸飲品🔸芒果佛手柑綠茶有滿滿既芒果香氣，食完甜野飲啖熱茶解膩一流🫖藍莓薰衣草梳打紫紫地色，有藍莓果粒，甜甜地好清爽👍