Cafe Fabulous

Open Now

Now Closed

原本打算去登打士街廣場更高樓層嘅Cafe，但唔知點解，個𨋢明明冇其他人，但去到9樓自動開門，我同朋友仔出咗𨋢先發現出錯樓層，打算入返𨋢之際，就有個職員出嚟問我哋幾位，見佢係咁招手，我哋都唔好意思掉頭走，就即管試試。呢度環境幾幽靜，地方亦算寬敞，座位設計相當有特色。仲有套餐可供選擇，套餐仲包埋$40嘅飲品，如果超過$40的話就補返指定嘅價錢。忌廉海蝦明太子意粉總共有八隻海蝦，都幾爽口，上面仲有紫菜絲，甚有和風味道。自家製芝士肉醬意粉都幾多芝士。我哋分別揀咗鳳梨綠茶同芒果綠茶，因為外觀甚為相似，店員都好細心有講清楚兩杯嘅分別，等我哋唔使估估下，服務都幾貼心。