Video
Read full review
2020-11-02
190 views
話說上次食完銅鑼灣牛大人之後覺得質素真係好唔錯好想女友都可以食到, 所以就襯住天文台話會跌至20度嘅當日去左牛大人最新嘅尖沙咀分店一齊打邊爐咁岩上次第一次去食牛大人嘅時間下載左佢地嘅apps, 新會員有張午市9折優惠, 咁天時地利人和都有哂, 咁就一於去食餐好嘅經過上次經驗之後知道牛大人都係熱門餐廳, 所以我就早於10點45分就已經到左門口等, 不過發現自己原來都未算係最早到, 證明左牛大人幾受歡迎人山人海等入座嘅情況今次分派到近窗邊嘅卡位, 就算係坐4個人都鬆動自在飲品櫃嘅擺位同銅鑼灣分店同出一轍, 本人真係好中意飲佢嘅冷泡茶醬料櫃, 其實有兩邊, 不過忘記影, 另一邊有更多醬料, 不過都係冇麻醬3大個櫃分別放丸類, 菜類今次就叫左牛大人秘方麻辣鍋小辣, 味道以辣為主, 麻嘅感覺比較弱, 可能係小辣關係佢地嘅 "滑"質素好高, 本人覺得比丸類更抵食, 因為口感結實, 濃味本人今次係叫安格斯吃到飽套餐, 方便使用新會員9折優惠券, 呢張相就分別係左安格斯牛板腱右上腹牛五花, 口感方面, 牛板腱口感結實得多而牛味濃郁, 有時會有筋膜, 食起來好似薄牛𦟌, 不過因為脂肪量比較少所以未有牛五
咁岩上次第一次去食牛大人嘅時間下載左佢地嘅apps, 新會員有張午市9折優惠, 咁天時地利人和都有哂, 咁就一於去食餐好嘅
經過上次經驗之後知道牛大人都係熱門餐廳, 所以我就早於10點45分就已經到左門口等, 不過發現自己原來都未算係最早到, 證明左牛大人幾受歡迎
人山人海等入座嘅情況
今次分派到近窗邊嘅卡位, 就算係坐4個人都鬆動自在
飲品櫃嘅擺位同銅鑼灣分店同出一轍, 本人真係好中意飲佢嘅冷泡茶
醬料櫃, 其實有兩邊, 不過忘記影, 另一邊有更多醬料, 不過都係冇麻醬
3大個櫃分別放丸類, 菜類
今次就叫左牛大人秘方麻辣鍋小辣, 味道以辣為主, 麻嘅感覺比較弱, 可能係小辣關係
佢地嘅 "滑"質素好高, 本人覺得比丸類更抵食, 因為口感結實, 濃味
本人今次係叫安格斯吃到飽套餐, 方便使用新會員9折優惠券, 呢張相就分別係左安格斯牛板腱右上腹牛五花, 口感方面, 牛板腱口感結實得多而牛味濃郁, 有時會有筋膜, 食起來好似薄牛𦟌, 不過因為脂肪量比較少所以未有牛五花咁岩打邊爐, 可能用來當燒肉咁煮會更好食, 不過好處係唔會咁易肥膩, 可以食更多, 而牛五花口感軟綿而且脂味濃, 肉味稍為欠奉
安格斯套餐另一新加配料, 五花片, 睇相都知道脂肪均勻, 雖然脂肪量比較多, 但煮起來豬肉嘅膻味一點都食唔到, 而肉味較濃而且口感較結實, 如果以甜醬油佐之就風味更佳
前面兩份分別係滷牛肚同滷大腸, 係安格斯套餐新加配料, 內臟方面清洗得非常乾淨, 而且口感軟綿唔會韌, 不過滷味就唔太濃, 不過牛大人嘅湯底濃郁非常, 就算滷味不足都可以湯底補救到
埋單356蚊, 打左9折了, 間唔時食餐好嘅, 價錢都唔係大問題, 更何況係物超所值呢
Post
