發發快餐 (Closed)

是咁的，因為工作關係就黎左友愛呢邊，就同事話專登睇下有咩屋村懷舊野，我就叫一於去一間叫發發既老式快餐店，就一於入去買啦因為太多人，無位坐，無奈之下就諗住叫外賣。一睇，大部分都係一D頹飯既款式，不過價錢只係24左右，一於叫左個免治牛肉煎蛋飯。至於野食方面，免治牛肉煎蛋飯真係名乎其實既頹飲，瑞士汁、肉碎夠，份量大，味道都OK既，至於同事叫左個雞脾炸薯條，雞脾肉多，炸得脆，不過薯條就麻麻。其實發發老店來，之前都同領匯爭左一輪，好彩都留番起到，而且價錢亦屬頹飯價，好岩附近既中學生。