立体派拉麵 (威靈頓街)

Open Now

Now Closed

中環而間隱蔽拉面餐廳, 主打白雞湯, 好高人氣, 晚飯時段坐無虛席, 食完之後, 都覺得同日本質素差不多, CP值好高。特級白湯拉面(小) $88白雞湯味濃而且香, 飲哂成碗都唔會口渴, 面都彈牙, 雞肉似係雞胸肉, 但好嫩滑, 我見大多數人都選擇大碗, 雞肉份量係鋪滿碗邊, 但我覺得細碗都好足夠。總括而言, 係會令人記得既味道, 十分之好食。九味醬油湯拉面 $88Order而碗拉面, 純粹係俾佢配埋既豬腩肉吸引, 先講醬油拉面, 味道就冇白雞湯既咁有記憶點, 合格既, 唔會得咸味咁單一。豬腩肉都幾大塊, 可以切開四大舊, 脂肪部分都好軟諗, 瘦肉就有少少柴, 但味道都幾好, 而個價錢, 而個份量, 冇咩好挑剔。香炸雞軟骨餃子 $48有別於普通日式餃子, 而款皮比較薄, 炸得比較香脆, 跟埋蛋黃醬, 作為餐前小食都唔錯, 但蛋黃醬味道有啲蓋過餃子既肉味, 如果用醋可能比較適合, 同可惜既係食到面既一半先炸好, 個時都已經飽飽地。