Billow

Open Now

Now Closed

難得放日假，仲要冇嘢搞，可以真正休息，當然搵個遠離繁囂既地方放鬆下。心目中 check list 一直有佢，不過地點唔太就腳，所以遲遲都未去到。原來都幾方便，大埔墟站好易搵到專車站牌，預岩時間直接上車就到餐廳門口。落車望下周圍環境，確係令人心曠神怡。餐廳裏裏外外都充滿休閒感覺。對住白鷺湖，舒服到大概可以喺呢度瞓着。炸比目魚柳漢堡，他他醬，薯條 $168Cuppacinno炸比目魚柳漢堡一開二之後仍然大大個，食起上嚟冇咁狼狽。魚柳厚，醬汁多，包夠脆，仲有脆薯條伴住，加杯Cuppacinno，望住窗外湖景，慢活一下，用”寫意悠閒”嚟形容絕對唔過份。黑松露忌廉闊條麵，雞樅菌，牛肝菌，羊肚菌 $238濃厚黑松露香味，闊條麵掛滿汁，加入雞樅菌，牛肝菌，羊肚菌味道更豐富。餐湯餐湯都唔hea，濃得嚟又唔搶喉。食飽可以餐廳附近行個圈消化下，影相打下咭。好彩既話仲會見到馬騮。